Ny kommuneplan 2024-2036

20. juni vedtok kommunestyret å eigengodkjenna ny kommuneplan. Den nye kommuneplanen “Hå mot 2036” erstattar kommuneplanen som vart vedteken i 2014. Klikk her for å sjå saksprotokollen.

Den nye kommuneplanen tek utgangspunkt i langsiktige utfordringar og moglegheiter, med ei sterk forankring i FN sine berekraftsmål. I samfunnsdelen er sju hovudsatsingsområde valde ut for å sikra berekraftig utvikling i Hå kommune. Planen inneheld vidare ein langsikteg arealstrategi som skal fungera som eit bindeledd mellom samfunnsdelen og arealdelen.

Heile planforslaget «Hå mot 2036» består av:

Samfunnsdel med hovudsatsingsområde for kommunen si ønska utvikling og langsiktige mål og strategiar.
Arealdel med føresegner, kommuneplankart for heile kommunen og tettstadene og planomtale med kunnskapsgrunnlag.
Andre dokument/vedlegg
- temakart for kulturmiljø inkludert faktaark
- kulturmiljøregister
- kulturminnerettleiar
- innkomne merknadar til kommuneplanen i fulltekst
- merknadshefte med vurdering av innkomne merknadar