Korleis søka om nydyrking?

Søknadsskjema som skal sendast til kommunen finn du her.

Omdisponering av dyrka og dyrkbar jord

Dyrka og dyrkbar jord er ein grunnleggande ressurs for å sikra matforsyninga på kort og lang sikt. Dersom eigaren av ein landbrukseigedom ønsker å bruka dyrka jord til anna enn jordbruksproduksjon, må det søkast om løyve til dette. Du finn meir informasjon om omdisponering av dyrka og dyrkbar jord her.

Nydyrking

Nydyrking er ein av fleire måtar me kan nå det nasjonale målet om å auka norsk matproduksjon på. Dersom du ønsker å dyrka nye areal til jordbruksformål, må du søke kommunen om godkjenning.

Både fulldyrking, overflatedyrking av udyrka mark og gjenoppdyrking av jordbruksareal som har vore unytta i over 30 år blir rekna som nydyrking. Opparbeiding av overflatedyrka mark til fulldyrka mark blir ikkje rekna som nydyrking. 

Ønsker du å utvida det dyrka arealet ditt, må du ha ein plan for nydyrking som skal godkjennast av kommunen. Kommunen vil vurdera kva verknadar nydyrkinga vil ha for landskapsbildet, mangfoldet i naturen og kulturminne. Ved nydyrking skal det settast igjen ein vegetasjonssone mot vassdrag etter nærare bestemmelser. Dersom du ikkje har starta på nydyrkinga innan tre år etter at godkjenning er gitt, fell løyvet bort.

Det er viktig å merka seg at nydyrking er fulldyrking og overflatedyrking av jord, også gjennoppdyrking av jord som har lege ubrukt i over 30 år.

Inngrep i kulturlandskapet krev ofte løyve frå eit lovverk, og du bør derfor kontakta kommunen før du går i gang med eit planlagt tiltak.  Søknadsskjema finner du her.(DOC, 44 kB)
 

Eksempel på tiltak du må søka om (ikkje utfyllande)

• Nydyrking
• Drifts- og skogsvegar
• Fysiske tiltak i vassdrag - eige skjema
• Tilplanting av dyrka jord og juletre
• Lukking av open grøft
• Etablering av ridebane
• Fjerning av åkerholmar
• Fjerning av steinrøyser og steingardar
• Fjerning av åkerkantar
• Fjerning av stein fra kulturbeite
• Mottak av masser/deponi

Tiltak som inneber vanleg stell av eigedomen er ikkje søknadspliktig. Eksempel på dette er grøfting eller fjerning av tre som veks innover jordet og er til hinder for drift av jordvegen.

Skal du bygga ein landbruksveg, må du søka kommunen.

Landbruksvegar er:

• Bilvegar og traktorvegar som blir bygde i samsvar med  normalar for landbruksvegar fastsett av Landbruks- og matdepartementet.
• Enklare vegar som er nødvendige for landbruksverksemda. 

Dersom landbruksnytten utgjer over 50 prosent i veganlegget, blir søknaden behandla etter landbruksveiforskrifta. Har vegen under 50 prosent landbruksnytte, blir søknaden behandla etter plan- og bygningslova.

Korleis søka?

Du finn meir informasjon om korleis søker om bygging av landbruksveig, rettleiing og søknadsmateriell på landbruksdirektoratet.no.

For deg som vil starta opp som bonde eller skogbrukar kan det vera mange reglar, søknadar og ordningar å forholda seg til. Her finn du ei oversikt over det viktigaste du må hugsa, kvem som gjer kva og kvar du finn meir informasjon.

Skal du kjøpa fast eigedom, er kjøpet omfatta av konsesjonslova. Konsesjon betyr løyve til erverv av fast eigedom. «Erverv» er eit fellesord for alle måtar du kan overta en eiendom på; kjøp, arv, gåve osv. Fast eigedom er for eksempel hus, gard, ubebygd tomt, eller andre areal.

Dei fleste erverv er konsesjonsfrie, men som oftast må du senda inn eigenfråsegn om konsesjonsfridom.

Kommunen avgjer søknadar om konsesjon. Du kan senda klage på kommunen sine vedtak til Fylkesmannen.

Kommunen fører konsesjonsfrie erverv

Dette betyr at du ikkje lenger skal senda eigenfråsegna om konsesjonsfridom til Kartverket.

For kjøp av eigedom som krever eigenfråsegn om konsesjonsfridom, er følgande nytt:

1. Kjøpar sender eller leverer skjemaet for eigenfråsegn om konsesjonsfridom ved erverv av fast eigedom til Hå kommune. Servicetorget fører konsesjonsvedtaket i matrikkelen når vedtaket er fatta.
2. Kjøpar får melding frå kommunen om at skjemaet er godkjent og vedtaket er ført i matrikkelen. Kjøparen sender så skjøtet til Kartverket for tinglysing. Dersom kjøpar sender inn eit skjøte til Kartverket utan at kommunen har registrert den aktuelle konsesjonsinformasjonen i matrikkelen, vil skjøtet bli avvist eller nekta tinglyst.

Ved kjøp av konsesjonspliktig eiendom, er følgande nytt:

1. Send søknad om konsesjon til kommunen som før. Me fører konsesjonsvedtaket i matrikkelen når vedtaket er fatta.
2. Kjøpar får melding frå kommunen om at skjemaet er godkjent og vedtaket er ført i matrikkelen. Kjøpar sender då skjøtet til Kartverket for tinglysning. Dersom kjøpar sender inn eit skjøte til Kartverket utan at kommunen har registrert den aktuelle konsesjonsinformasjonen i matrikkelen, vil skjøtet bli avvist eller nekta tinglyst.

Dersom du ønsker stadfesting sendt til ei anna adresse enn den du har oppgitt i skjema eller på e-post, må du informera om dette.

Buplikt

Buplikt betyr at nokon må bu på ein eigedom. Det kan vera buplikt på landbrukseigedommar, og på andre eigedommar.
Dersom du overtek ein landbrukseiendom frå nære slektningar, får du fem år med buplikt. Buplikt inneber at du må busetta deg på eigedommen innan eitt år frå overtakinga og at du må bu der i minst fem år.  

Du må søke konsesjon viss du ikkje har tenkt å oppfylla buplikta.

Driveplikt

Dersom du eig ein eigedom med jordbruksareal, har du plikt til å sjå til at jorda blir driven i heile eigartida. Du kan oppfylla driveplikta ved å driva arealet sjølv eller leiga det bort som tilleggsjord til ein annan landbrukseigedom for minimum ti år om gongen. Er du ny eigar, må du innan eitt år ta stilling til om du ønsker å driva arealet sjølv eller leiga det bort. For å få fritak for driveplikta, må du senda søknad til kommunen. Kommunen kan gje varig fritak eller fritak for ei viss tid. Kommunen kan også stilla vilkår for fritaket.

Du finn meir informasjon om buplikt og driveplikt på Landbruksdirektoratet sine nettsider. Her finn du også lenker til ulike søknadsskjema.

I portalen Gardskart kan du søka opp ein landbrukseigedom med gards- og bruksnummer, og få kart som viser oversikt over arealressurser på eigedomen.