Kommunen har søkt om tilskot for å styrka det førebyggande arbeidet for barn, unge og familiar. Bakgrunnen er eit aukande behov for tidleg hjelp, lågterskeltilbod og tenester som er meir fleksible og oppsøkande.
Kommunen har fått 2,1 millionar kroner i tilskot. Midlane skal bidra til at familiar kan få hjelp tidlegare, og at det blir enklare å koma i kontakt med kommunen sine tenester.
Hovuddelen av tilskotet går til lønskostnader ved familiesenteret og skulehelsetenesta. Ved familiesenteret blir ressursane mellom anna brukte til å utvikla ei meir oppsøkande teneste, slik at familiar kan møta fagpersonar der det passar best, til dømes heime eller på andre arenaer. Midlane bidreg også til helsesjukepleiarressursar og styrker arbeidet med førebygging, rettleiing og oppfølging av barn, unge og føresette.
Ein del av tilskotet er brukt på tiltak som skal skapa fellesskap og legga til rette for at alle kan delta. Sommaren 2026 brukte kommunen 100 000 kroner på eit ope og gratis arrangement i samarbeid med lokale idrettslag, der barn, unge og familiar kunne samlast for å sjå Noreg spela i fotball-VM.
Målet med bruken av tilskotet er å førebygga utfordringar tidleg, gjera hjelpa meir tilgjengeleg og skapa gode og inkluderande oppvekstvilkår for barn og unge.