Beredskap i Hå kommune

Slik klarer du deg i ei krise

Norge er eit land som for dei fleste er trygt og godt, men likevel kan det oppstå kriser som kan koma overraskande på oss alle. I ei krise er det mange som treng hjelp. Dersom ein stor del av innbyggarane i ein kommune er i stand til å ta vare på seg sjølv, kan offentlege ressursar settast inn der behovet er størst. 

• Du finn informasjon om kva du bør ha heime og tips til korleis du blir betre rusta til å takla kriser på Sikkerhverdag.no.
• Du finn informasjon på ulike språk i informasjonsheftet «Du er en del av Norges beredskap» som du kan lasta ned i PDF-format på ulike språk.
• På nettsida til Norges Blindeforbund kan du også lytte til innholdet i brosjyren.

Tilfluktsrom

I Hå kommune er det berre private tilfluktsrom. Dette er tilfluktsrom som er bygde og dimensjonerte for å kunna gi vern for personane som normalt oppheld seg på eigedommen der tilfluktsrommet er. Det er Sivilforsvaret som har ansvar for tilsyn av tilfluktsrom. 

Dei offentlege tilfluktsromma i Norge er i hovudsak lokalisert i befolkningstette strøk på grunn av at risikoen for å bli ramma av eit angrep utanfor dei store byane blir rekna som svært liten. Tilfluktsromma er heller ikkje laga for opphald over lenger tid. Innbyggarar i Hå vil med andre ord mest sannsynleg kunna rekna seg som tryggare om dei blir der dei er, heller enn å oppsøka tettare befolka område.

Sjå nettsidene til Sivilforsvaret for meir informasjon.

Kanalar

I ei krise vil Hå kommune nytte eigne nettsider, sosiale medium og lokale medium aktivt til å informere innbyggjarar og andre. 

• Nettside: www.ha.no
• Facebook: www.facebook.com/hakommune
• Instagram: @hakommune

Servicetorg

Servicetorget er Hå kommune sitt informasjonssenter for publikum, pårørande og media. Servicetorget skal alltid vere bemanna i kriser og uønska hendingar med auka informasjonsbehov.

Befolkningsvarsling

Ved kriser og uønska hendingar kan det oppstå behov for varsling av befolkninga. Gemini Varsling er Hå kommune sitt system for befolkningsvarsling. Systemet gir Hå kommune moglegheit til å varsle innbyggjarar ved hjelp av SMS og/eller talemelding. 

I tilfelle krise vil kriseleiinga i Hå gå ut med informasjon om kva som skjer og korleis krisa påverkar kommunen sine innbyggjarar. Hå kommune si kriseleiing består av:

• kommunedirektør (leiar)

• ordførar

• kommunalsjef helse- og sosialsaker

• kommunalsjef tekniske saker og næring

• kommunalsjef opplæring og kultur

• kommunalsjef organisasjon

• økonomisjef

• kommunikasjonssjef

• beredskapskoordinator

Oppgåva til den kommunale kriseleiinga vil i hovudtrekk vera livreddande innsats, hjelpa menneske som er råka, verna verdiar, informera og opplysa, og gjenoppretta normalsituasjon.

Ei krise er alle typer uønska hendingar som rammar større grupper av menneske/område med direkte eller indirekte skader av eit omfang som er meir omfattande enn det ordinære hjelpeapparatet kan klare å handtere på ein tilfredsstillande måte.

Her finn du Hå kommune sin beredskapsplan

• Planen skal gi opplysningar om kven som er i kommunen si kriseleiing og deira ansvar, roller og fullmakter. Planen definerer og kven som har fullmakt til å kalle inn kriseleiinga.
• Om det oppstår ei uønska hending som har så stort omfang at ho ikke kan handterast innanfor kommunen si vanlige organisering, kan kommunedirektøren beslutte at det skal etableres kriseleiing i kommunen. Kriseleiinga har som hovudoppgåve å koordinere samarbeidet mellom sektorane og styre kommunen sitt overordna engasjement.