Kva er HPV?

HPV står for humant papillomavirus. HPV - infeksjon er den vanlegaste seksuelt overførde infeksjonen i verda. Dei fleste som er seksuelt aktive, vert smitta i løpet av livet. Dei fleste vert smitta når dei er unge. Infeksjonen er som regel ufarleg og går over av seg sjølv.

Nokre får infeksjon som ikkje går over av seg sjølv, og som kan føra til livmorhalskreft. Kvart år får om lag 300 kvinner i Noreg livmorhalskreft, og 65 - 100 dør av sjukdomen.

Vaksine

Vaksina mot HPV gjev beskyttelse mot HPV - viruset. Vaksinasjon mot HPV består av tre vaksinedosar i løpet av 6 - 12 månadar.

Tilbodet om gratis vaksine gjeld i to år frå hausten 2016.