Kunnskapsprøve for sals- og skjenkeløyveDet er to typar kunnskapsprøvar: Ein for salsløyve i butikk, og ein for skjenkeløyve på serveringsstad og arrangement. Kven kan ta kunnskapsprøve? Alle kan ta kunnskapsprøvane. Dersom du skal bli godkjend som styrar eller vara på stader med sals- eller skjenkeløyve, må du ha bestått prøven. Du må i tillegg ha fylt 20 år. Kva kostar det? Det kostar 400 kroner å ta kunnskapsprøven. Korleis går du fram for å ta prøven? Kunnskapsprøven er ein elektronisk fleirvalsprøve arrangert av Skjenkekontrollen. Du kan lesa meir om kunnskapsprøven på Skjenkekontrollen sine nettsider. Her kan du melda deg på for å ta kunnskapsprøven. Pensum Salsløyve: Kunnskap om alkohollova sine kapittel 1, 3, 7, 8 og 9 og alkoholforskriften. Skjenkeløyve: Kunnskap om alkohollova sine kapittel 1, 4, 5, 7, 8 og 9 og alkoholforskriften. Det finst bøker og anna læremateriell som inneheld det du treng vita før kunnskapsprøvene, til dømes på vinn.no. Sist endra 06.12.2022 10.49