• Alle som skal på offentleg bading i Stampen må kjøpa billett på førehand med TicketCo si billettløysing. Dette gjeld både familiebading, vaksenbading og pensjonistbading.
• Last ned appen TicketCo Wallet (App Store | Google Play) eller bestill billettar her.
• Det enklaste er å bruka appen. Dersom du bestiller med den går det raskare å koma inn i bassenget fordi du kan visa QR-koden i billettluka. 
• Merk at det ikkje går an å avbestilla billettane. Sjekk at du bestiller til rett badetime. 

Barn som ikkje er symjedyktige skal ha følge med vaksne i bassenget.

Billettbestilling:

• Vis QR-koden på billetten til badevaktene i billettluka når du kjem.

• Billetten gjeld for ein klokketime og inkluderer garderobetid. Dersom du for eksempel skal bada frå 16.00-17.00, kan du ikkje gå inn i garderoben før 16.00, og må vera ute igjen av garderoben klokka 17.00. 

• Ved bestilling av gratis billettar må du visa bedriftsavtale eller ledsagerbevis i billettluka.

Nyttig info:

• Alle må bruka badehette. Du kan kjøpa badehette i Stampen.

• Barn som bruker bleie må ha badebleie og badebukse/badedrakt. Du kan kjøpa badebleie i Stampen.

• Det er nøkkelskap for verdisaker i Stampen.

• Følg instruksar frå badevaktene

Babysymjing:

• Aktiv fysioterapi tilbyr både nybegynnarkurs og vidaregåande kurs i babysymjing i Stampen torsdagar klokka 10.43-11.35. 
• Påmelding til kurs: Ingvild Kjetså, telefon 51 57 93 70 / 928 66 582, e-post: baby@aktiv-fysio.no

Gravidbading:

• Aktiv fysioterapi tilbyr gruppetrening i Stampen terapibasseng for gravide torsdagar klokka 11.35-12.15. Ein fysioterapeut leiar og tilpassar treninga til ditt nivå.

• Påmelding til kurs: Ingvild Kjetså, telefon 51 57 93 70 / 928 66 582, e-post: baby@aktiv-fysio.no

Både bedrifter, privatpersonar, lag og organisasjonar kan søka om bassengtid i Stampen. Dersom du skal leiga bassenget må du ha med eigen badevakt og legga ved dokumentasjon på dette.

Søk om bassengtid her

Prisar for utleige

Om timen er behandlingsretta, har det innverknad på prisen.

Slik skjer tildeling av timar i Stampen:

• Søknadsfrist er 1. mai. Timar blir tildelte for eitt år. (Frå august til juni). Dersom det framleis er ledige timar, går det an å søka på desse i løpet av året. 
• Ved tildeling av tid vil grupper med helsemessige behov bli prioriterte.
• Du må betala for alle veker, utanom dei vekene bassenget er stengt.

Ledige timar:

Akkurat nå har me desse ledige timane du kan søka om å få bruka:

Måndag:

• 15:00-16:00
• 21:00-22:00

Tysdag:

• 08:30-09:30
• 09:30-10:30

Onsdag:

• 12:30-15:00
• 15:00-16:00 (Denne timen er ledig tre gongar kvar månad. Oppteken 18/1,15/2, 15/3, 12/4, 10/5 og 7/6 i 2023)
• 21:00-22:00

Torsdag:

• 08:30-09:30

Fredag:

• 21:00-22:00

Oppseiing av kontrakt

• Det er tre månadar gjensidig oppseiing av kontrakten. 
• Sei opp kontrakten ved å fylla ut dette skjemaet.

Reglar for bruk

• Stampen kan berre brukast dersom det er minst ei godkjent badevakt tilstades.
• Badevakta må ha oppdatert kurs i livredning, hjarte- og lungeredning,  og delteke på kurs minst ein gong per år.
• Bemanning:
  • Gruppetrening: Ei badevakt per 20 personar.
  • Dersom det skal vera fleire personar enn dette, må det vera to godkjente badevakter tilstades.
  • Det er maksimalt lov å vera 30 personar i symjehallen per time
• Den ansvarlege for timen i Stampen må sikra at det er orden i garderobe og symjehall etter timen. Den ansvarlege for timen må også ringa driftsteknikar eller vaktmeister ved tekniske feil.
• All bruk av kamera er forbode.