• Skjema for å bestille påvisning eller klarlegging av eksisterende grenser («Rekvisisjon av oppmålingsforretning og matrikkelføring») hentar du her: https://kartverket.no/eiendom/skjema/rekvisisjon-av-oppmalingsforretning    
• Hovudregelen er at det er den som har grunnboksheimel som eigar som rekvirerer og sender bestillinga. Bestillinga sendast elektronisk til teknisk@ha.kommune.no eller Hå kommune, Rådhusgata 8, 4360 Varhaug.
• Legg med kopi av målebrev eller kartutsnitt kor det er markert kva grensepunkt eller grensestrekning som skal påvisast eller klarleggast. Du kan bestille kart her: https://www.ha.no/sd/skjema/HA076/ eller bruka kommunen sin kartportal: https://geoinnsyn.no/?application=ha&project=GeoInnsyn&zoom=9&lat=6493023.00&lon=306895.00           

• Me tek kontakt med deg og avtaler tidspunkt for møte og oppmåling. Me sender varsel om oppmålingsforretning til bestillar (rekvirent), naboar og moglege rettighetshavarar. Varselet blir sendt ut minst to veker føre oppmøte i marka. Anna tidsfrist kan avtalast. Dersom nokon skal møte i staden for dei som er varsla, må desse ha skriftleg fullmakt.

• Under oppmålingsforretninga vil dei eksisterande grensene bli påvist i samsvar med dokument og partane sine påstandar. Alle eigedomsgrenser som blir avklart i oppmålingsforretninga blir registrert i matrikkelen (nasjonalt eigedomsregister).

• Kart- og oppmålingsavdelinga har 16 veker på seg å gjennomføre merking og måling av grensene.

• Etter at avklarte grenser er ført i matrikkelen vil alle berørte partar bli gjort kjent med matrikkelføringa.

Utdrag av gebyrregulativet:

• Klarlegging (påvisning) av grense der grensa er koordinatbestemt ved oppmålingsforretning, 2 pkt: kr 3800,-
• For kvart overskytande grensepunkt: kr 400,-
• Klarlegging (påvisning) av grense der grensa ikkje tidligare er koordinatbestemt, 2 pkt: kr 7500,-
• For kvart overskytande grensepunkt: kr 700,-