Visuell identitet

9 Skilt

Her finn du plan for skilting og foliering av kommunale bygg og uteområde i Hå kommune. Målet er å sikra tydeleg skilting som oppfyller krava til universell utforming.

Skilting ute

Fasadeskilt

• Svart våpenskjold og kvit steinbukk skal alltid brukast på fasadeskilt.
• Kommunevåpenet skal stå til venstre for namn på bygget.
• Bruk skrifttypen DM Sans semibold med store og små bokstavar.
• Bruk svarte bokstavar på lys bakgrunn og kvite bokstavar på mørk bakgrunn. 
• Skilta skal vera godt synlege på avstand.
   

Fasadeskilt med proporsjonar

Utfrest fasadeskilt på lys bakvegg

Utfrest fasadeskilt på mørk bakvegg

Fasadeskilt på kvit bakplate

Eksempel på korleis skilting blir hjå ulike avdelingar.

Fasadeskilt blir primært laga med utfresa Steinbukk og navn med eller utan LED-lys. 
(frontlys som lyser opp steinbukk og bokstavar på kveldstid). 
Fasadeskilt kan også lagast på kvit plate.
 

Eksempel på fasadeskilt med frontlys som lyser opp steinbukk og bokstavar på kveldstid.

Eksempel på fasadeskilt med fleire avdelingar i same bygg. 
Plassering av primær- og sekundærskilt blir bestemt etter synfaring.

Orienteringsskilt

Skilt som er frittståande eller på vegg, skal plasserast på ein godt synleg stad, til dømes ved ankomst til området eller bygget. 

Kvitt orienteringsskilt

Ved farga bakgrunn må dei grafiske formene vera 100 % kvite for å sikra best mogleg kontrast og lesbarheit. Du kan også velga ein annan bakgrunnsfarge frå fargepaletten, eller bruka fargar for å skilja mellom ulike avdelingar/etasjar.

Farga orienteringsskilt

Husnummer

Husnummeret skal vera svart eller kvitt og laga slik at det stikk ut frå veggen.
Skiltet skal ha god kontrast til veggen. Skifttypen skal være DM Sans semibold.

Utfresa husnummer

Byggeplasskilt

Eit byggeplasskilt skal ha med logoen til Hå kommune og namnet på prosjektet. Nederst på skiltet plasserer me logoane til underleverandørane. Den kvite bakgrunnen gjer det lett å endra logoane seinare, til dømes om ein ny leverandør kjem inn i prosjektet.

Byggeplasskilt

Informasjonsskilt

Informasjonsskilt med svart skrift på på kvit bakgrunn gir god kontrast. Bruk gjerne eit ikon for å gi eit blikkfang og for å signalisera kva skiltet handlar om.

Eksempel på kvitt informasjonsskilt

Eksempel på kvitt informasjonsskilt

Eksempel på kvitt informasjonsskilt

Velkomstskilt eller informasjonsskilt kan også ha blå bakgrunn (himmelfarge) og steinsymbol i 40 % kvitt.

Informasjonsskilt med mykje tekst i farge

Skilting inne

Innvendige skilt skal vera tydelege og lette å lesa. Bruk matte overflater for å unngå for mykje gjenskinn og refleks. Skilt og merking som viser retning eller rom, må utformast og plasserast slik at det er lett å orientera seg.

Orienteringsskilt

Orienteringsskilt og merking skal vera lett synleg, logisk og lesbar.

Du kan gjerne velga ein annan farge frå fargepaletten enn blått. Dette kan vera nyttig for å skilja mellom ulike avdelingar eller etasjar.

Orienteringsskilt

Avdelingsskilt

Etasjeskilt kan lagast med utfresa bokstavar eller kvit skiltplate i bakgrunnen.

• Bruk skrifttypen DM Sans semibold med store og små bokstavar.
• Bruk svarte bokstavar på lys bakgrunn og kvite bokstavar på mørk bakgrunn. 
• Skilta skal vera godt synlege på avstand.
   

Her er størrelsen 1100 mm i breidda med bokstavhøgde på 250 mm. Utfrest tekst i 5 mm svart PVC

Her er størrelsen 1100 mm i breidda med bokstavhøgde på 128 mm.

Etasjeskilt

Etasjeskilt

Etasjeskilt

Namneskilt

Namneskilt

Taktile skilt

Alle nye bygg eller bygg som skal renoverast og er opne for publikum, må ha taktile piktogramskilt. Desse skilta skal vere 15x15 cm og monterast 150 cm frå bakken. Sørg for at botnfargen står i god kontrast til veggfargen. Du kan bestille skilta med eller utan punktskrift/braille.

Ikon som er universelle og tydelege kan brukast på skilt, veggar og dører. Du kan velga mellom ulike material som folie, PVC, akryl, aluminium og tre.

Foliering

Foliering av bygg i kommunen har fleire funksjonar. Det skal hindra at folk går på glas og vindauge, gi informasjon, skjerma mot innsyn og sjå fint ut. Folieringa skal følga same stil i bygget.  Skular og barnehagar kan for eksempel ha ein meir kreativ stil enn rådhuset. 

Folieringa skal følgje reglane for universell utforming.

Minstekrav til universell utforming: Markørar/striper skal vere minst 5 cm høge. Dei skal plasserast 90 cm og 150 cm frå golvet. Dekor på dører skal skilje seg ut frå sidefelta.

Utvendig foliering

Foliering til inngangsparti skal følgje reglane for universell utforming. Markørar på dører skal skilja seg frå markørane på sidevindauga. Dekor (striper og sirklar) skal lagast på frosta folie. Logo og anna info skal lagast på kvit matt folie.

Innvendig foliering

Foliering skal følga reglane for universell utforming. Her er ulike alternativ for frosta folie. Andre fargar kan også velgast frå fargepaletten. 

Du finn foto som kan brukast til foliering i Hå kommune sin bildebank. Her er nokre eksempel:

Teknisk nummer på dør

Teknisk romnummer skal monterast på matt folie (kvit folie på mørk dør/svart folie på lys dør). Bruk fonta Arial Bold for best mogleg lesbarheit. Høgda på versalar skal vere 25 mm (leseavstand 5 meter). Monter nummeret i hjørnet på dørbladet på hengslesida.

Namn på dør

Namn på dør skal lagast på matt folie (kvit folie på mørk dør/svart folie på lys dør). Font skal vera DM Sans Semibold. Ei god høgde på versalar er 45 mm (leseavstand 10 meter). Underkanten av bokstavane skal plasserast 150 cm frå golvet.

Ta kontakt med kommunikasjonsavdelinga dersom du treng rettleiing.