Oppstart av detaljregulering for Nærbø gamle kyrkje og gravlund, plan 1120. I samsvar med plan og bygningsloven §§ 12-3 og 12-8 meldes det oppstart av planarbeidet. Målet med planarbeidet Me ønsker å avklare tilkomst og parkeringssituasjon til kyrkja og gravlunden. Ny plassering av driftsbygning skal og vurderast. Me skal og vurdera om det skal gis meir detaljerte føringar for bruk og vern i området, rundt Audamotlandstjørna og kyrkja. Om planområdet Planområdet dekker eit areal på cirka 37 dekar og er ikkje regulert i dag. I kommuneplanen er området avsett til grav- og urnelund og parkering. Areala rundt Nærbø gamle kyrkje er satt av til bevaring kulturmiljø. Nærbø gamle kyrkje er frå 1834 og er listeført av Riksantikvaren, som betyr at planarbeidet må ta omsyn til dei føringane vernet gjer. Sør i planområdet ved Audamotlandstjørna er det eit viktig naturmiljø, med rikt kulturlandskap og leveområde for sothøne. Planarbeidet omfattar ikkje tiltak som vert omfatta av forskrift om konsekvensutgreiing. Du kan komme med innspel Har du innspel eller opplysingar som kan ha betydning eller interesse for planarbeidet? Då merker du det med plannamnet: Detaljregulering for Nærbø gamle kyrkje og gravlund, plan 1120 og sender det til: Hå kommune Tekniske saker og næring Postboks 24 4368 Varhaug eller på e-post: teknisk@ha.kommune.no Innen onsdag 6.april 2016 Når blir innspelet kommentert? Innspela blir vurdert og kommentert når planen blir utarbeida. Dei blir lagt fram saman med planforslaget til politisk behandling. Det er utval for tekniske saker og næring som behandlar saken og avgjer om forslaget skal bli lagt ut til ny høyring. I høyringsrunden får du ein ny anledning til å gje uttale. Denne gongen er planforslaget konkret. Vedlagt planforslaget får du ein planomtale og meir informasjon om saksgang ved reguleringsplan, sjå saksgang ved regulering. (PDF, 154 kB) Lurer du på noko? Har du spørsmål til arbeidet kontakt saksbehandlar Ine Woldstad på telefon 51 79 30 00 eller e-post teknisk@ha.kommune.no. Sist endra 22.09.2017 14.01