Frå 1. april kan private hushaldningar i Hå kommune levera hageavfall fire stader:
- Nylund industriområde, Sirevåg
- Stokkalandsmarka industriområde, Vigrestad
- Tjemslandsmarka industriområde, Varhaug
- Hå gjenvinningstasjon, Nærbø
Til og med 30. september kan private hushaldningar i Hå kasta hageavfall i dei tre døgnopne mottaka i Sirevåg, Stokkalandsmarka og Varhaug. Det er ikkje døgnope i gjenvinningstasjonen på Nærbø.
På alle dei tre plassane finn du ein oppmura firkant/utesilo der du kan tøma tilhengeren, bagasjerommet, trillebåra, plastposen eller kva du måtte bruka til å frakta hageavfall med. Hugs at du må tømma posen/sekken, og ta den med deg heim igjen. Ikkje legg att posen eller sekken.
Kva kan du kasta?
- I desse mottaka kan du kasta plengras, ugras, blomar, lauv, små greiner og restane av hekken som du ikkje vil ha lenger. Har du anna avfall enn hageavfall, som mold, grus, røter, store greiner eller hekkplanter, må du levera dette til Hå gjenvinningsstasjon på Nærbø.
Saman kan me få denne ordninga til å fungera knallbra, så sant det ikkje blir kasta noko anna enn hageavfall i desse mottaka.
Me sorterer i lag!