Det vert jobba med planar om utvikling av North Sea Energy Park i Bjerkreim kommune, til eit stort næringsområde for kraftintensiv industri.
Etablering av til dømes battericellefabrikk i industriparken vil gi store mengder overskuddsvarme.
Avstanden frå North Sea Energy Park til Hå er kort, og spesielt til Skoga, heilt sør i Hå.
- Hå kommune arbeider for at Skoga næringsområde skal utviklast som eit tyngdepunkt for industrietablering i kommunen. Med sentral beliggenhet ved fylkesveg 44, Sirevåg stasjon på Jærbanen og Sirevåg havn er området perfekt for verksemder som har behov for overskuddsvarme, som fiske-/skalldyroppdrett eller veksthus, seier ordførar Jonas Skrettingland i Hå kommune.
Jordvern
Hå kommune har fått fleire førespurnader frå næringsaktørar som er interessert i å bruka overskuddsvarme i produksjonen sin.
-Me ser moglegheitene i ein veksande marknad. I Hå er me dessutan opptekne av å utnytta steingrunn for å utvikla gode næringsområde. Det er godt jordvern, og slik sett er Skoga ideelt, sier Skrettingland.
Viktig samarbeid
Nærleik til Hå er idéelt for å utvikla eit samarbeid og sjå på moglegheitene industrietableringa i Bjerkreim kan gi, meiner bjerkreimsordføraren.
- Etableringa av kraftintensive næringar, som batterifabrikk, vil gi mykje overskuddsvarme. At Hå kommune ser moglegheitene, og ønsker å sjå nærare kva dette kan bety, ønsker me velkommen. Her har me saman ein unik sjanse for synergier over kommunegrensene, seier ordførar Kjetil Slettebø