Juleparken er eit samarbeid mellom Hå kommune, lokalt næringsliv og frivillige. Velkommen som aktør!
1. Påmelding og betaling
Aktørar søker om plass innan 27. august. Faktura på standplass blir fakturert etter arrangementet er gått av stabelen.
Du finn søknadsskjema her
2. Innvilga søknader
Arrangør avgjer kven som får delta. Juleparken skal by på eit variert og balansert produktspekter med kvalitet framfor kvantitet. Kunst, handverk, lokal mat, gåveartiklar og julerelaterte produkt har prioritet. Lokale bedrifter, lag og organisasjonar vert prioritert.
3. Plassering
Arrangør avgjer kva plassering du får. Forrige års plassering gir deg ikkje automatisk same plass i Juleparken i år, men ansiennitet kan bli vektlagt. Komiteen må ta omsyn til heilskapen i arrangementet. Juleparken er delt inn i soner for mat, aktivitet og julevare-sal.
4. Avbestilling
Påmeldinga er bindande. Avbestilling etter 1. november må betalast fullt ut.
5. Om produkt, utsmykning og salstider
Det er bare tillatt å selja produkt som står oppført i godkjent søknad. Arrangør kan avvisa produkt som ikkje er godkjent. Utstillar må sjølv pynta boden/standen og bidra til ei koseleg julestemning som passar inn i den trivelege parken. Salsbodene skal vera opne og bemanna i heile arrangementet sine opningstider.
6. Sal av mat og allergen
Alle allergen må merkast tydeleg for publikum på menyplakatar.
Alle deltakarar må sjølv sørga for å ha med nødvendig utstyr til eigen stand (bord, stolar og liknande), og nødvendige avtalar med Mattilsynet.
7. På arrangementsdagen
Aktørane skal henvenda seg i paviljongen for å få informasjon om tilvist plass. Innsjekk/opprigging må vera ferdig seinast 30 minutt før opning begge dagane. På grunn av tryggleik, vert parken stengt for varetransport seinast 30 minutt før arrangementet startar. Transport av tunge varer inn i parken etter dette, kan føregå med Juleparken sine varetraller.
Aktørar kan parkera langs Gåseveien. Det er også arrangørparkeringsplass ved Breidablikk barnehage. Her kan du parkera dersom de har meir enn ein bil.
8. Utstyr og avfallshandtering
Aktørane må sørga for det utstyret dei treng i bod eller telt. Sørg for å levera avfallet i tilvist container. Når Juleparken er slutt, skal bodene vera rydda og fri for spiker, lim-rester osv. Skader utover ordinær slitasje, vil bli belasta deg som aktør.
9. Ansvar og forsikring
Aktørane må sjølv forsikra varene og utstyret sitt. Arrangør tek ikkje på seg ansvar for tjuveri eller skade på gjenstander, utstyr, køyretøy eller liknande.
10. Beredskap og branntryggleik
- Gjer deg kjent med kor beredskapsgruppa er lokalisert under arrangementet.
- Skal du steika, koka eller varma mat/drikke på kokeplate eller bålpanne, må du ha med eige brannslokkingsapparat eller anna slokkeutstyr.
- Alle som ønsker å ha open eld, må søka om det i søknadsskjemaet.
- Det er avgrensa med straum, og du kan dermed ikkje bruka elektrisk varmeomn. Då risikerer me at sikringa ryk. Kle deg heller godt.
- Dersom du har med eige telt, ta med ballast til å sikra teltet mot vind.
11. Ikkje alkoholservering
Juleparken er eit familiearrangement, og Hå kommune gir dermed ikkje skjenkeløyve til utstillarar.
12. Avlysing
Dersom det oppstår forhold utanfor arrangøren sin kontroll som flom, brann, uver eller epidemi som gjer det umogleg å gjennomføra arrangementet, må arrangør avlysa Juleparken. Arrangør har ikkje erstatningsansvar for innkjøpte varer eller medbrakte gjenstander.
Me løfter i lag!