Fosterheim og besøksheim

Som fosterheim i Hå får du tett og trygg oppfølging. Saksbehandlar kjem på besøk minst fire gonger i året, og oftare ved behov. Tema for besøka er barnet si situasjon, og kva støtte fosterheimen treng. Saksbehandlar deltek også i møte med andre instansar.

Kurs

Omsorgspakken

Hå kommune tilbyr omsorgspakken – ein samla pakke med kurs og oppfølging for fosterforeldre, foreldre og fosterbarn:

• Fosterforeldre får kurset «Ein god start», som gir tryggleik i rolla og hjelp til å forstå barnet sine behov.
• Dei biologiske foreldra får kurset «Framleis foreldre», som støttar dei i å halda kontakt med barnet sitt.
• Fosterbarnet får «Mi historie», som hjelper barnet å forstå og fortelja si eiga historie.

Saksbehandlar følgjer opp alle tre delane. Målet er å skapa tryggleik, godt samarbeid og ta vare på tilknytinga mellom barnet og familien.

Trygg base

Alle fosterheimar får kurset Trygg base – åtte samlingar om tryggleik, relasjonar og utviklingsstøtte. Vidare oppfølging blir tilpassa behov, og det er mogleg å få ein fast rettleiar. Me jobbar for at fosterforeldre og foreldre får same kontaktperson der det passar.

Biologiske barn i fosterheimen

Biologiske barn i fosterheimen blir også tekne på alvor. Dei får delta i samtalar med saksbehandlar og seia meininga si. Fosterforeldre får rettleiing i vanlege utfordringar som kan oppstå mellom eigne barn og fosterbarn. Kvart år får biologiske barn tilbod om kurs gjennom Bufetat, der dei møter andre i same situasjon.

Grunnstønad 

Alle fosterheimar får ei grunnstønad og dekking av utgifter ut frå KS sine satsar. Du vil i tillegg få barnetrygd slik du får for eigne barn. 

Trykk her for å sjå Ks sine satsar for fosterheim

Ekstrautgifter

Du vil også få støtte til ekstrautgifter som briller, helsetenester, tannhelse, dåp/konfirmasjon med meir.

Pensjon

Fosterforeldre får ei grunnstønad. Det er ei pensjonsgivande inntekt som gir opptening av alderspensjon i folketrygda. Per nå blir ikkje fosterforeldre rekna som arbeidstakarar, men som oppdragstakarar/frilansarar og blir likestilt med sjølvstendig næringsdrivande. Difor får ikkje fosterforeldre opptening i tenestepensjon, men kan spare til pensjon i private pensjonsordningar.

Frikjøp

Nokre gongar blir fosterforeldre frikjøpt frå sitt daglege arbeid for å kunna vera fosterheim på heiltid. Du kan bli frikjøpt frå heile eller deler av stillinga, ut ifrå kva behov barnet og familien har. Det betyr at barneverntenesta betalar for tapt inntekt, opptil eit rettleiande tak på 6G i året.

Til deg som er uføre

Du kan vera fosterforelder sjølv om du er uføretrygda. Det er viktig med dialog med NAV på dette. Du må sikra seg at du ikkje mistar uføretrygda, og kor lenge du kan «pause» den før du må gjennom ny søknadsprosess dersom du skal frikjøpast.