Årsplan Vigre natur- og friluftsbarnehage

2.1 Barnehagen skal ivareta barnas behov for omsorg

2.1 Barnehagen skal ivareta barnas behov for omsorg

Alle barn har rett til å bli møtt med omsorg, og personalet skal møte det unike hjå alle barn. Personalet skal vera lydhøre for barnas non-verbale og verbale uttrykk.

Personalet skal verdsette barnas egne omsorgshandlingar (Rammeplan, 2017, s. 19).

Omsorg er ei føresetnad for barna si totale utvikling. For oss er det viktig med omsorg i alle ledd. Det betyr omsorg i leiing, omsorg mellom vaksne, mellom vaksen – barn, og barna seg imellom. I Vigre natur- og friluftsbarnehage er det å gi og ta imot omsorg ein naturlig del av barnehagekvardagen. Barna skal lære å ta imot omsorg og motiverast til å gi omsorg.

2.2 Barnehagen skal ivareta barns behov for leik

2.2 Barnehagen skal ivareta barns behov for leik

Barnehagen skal bidra til at alle barn kan oppleve glede, humor, spenning og engasjement gjennom leik – åleine og samen med andre (Rammeplan, 2017, s. 20). Personalet skal ta initiativ til leik og aktivt bidra til at alle kjem inn i leiken. Dei skal rettleie barna dersom leiken utviklar uheldige samspelsmønster, vera bevisst på, og vurdere eiga rolle og deltaking i barns leik (Rammeplan, 2017, s. 20).

Leiken har ein sentral plass i kvardagen i Vigre natur- og friluftsbarnehage, og vi legg til rette for at det fysiske rommet både inne og ute skal innby til kreativ leik. Det er viktig for oss at alle barn har vennar, og vi arbeidar systematisk med ulike metodar for å utvikle og fremje vennskap mellom barna. Den viktigaste metoden vi brukar for å oppnå dette er leik. Vi har fokus på å leike i små grupper med vaksne som er til stades. Dette gir oss moglegheit til å sjå det enkelte barn i leikesituasjonar og bli betre kjent med barnas interesser, styrkar og behov. Det gir oss også moglegheit til å vidareutvikle leiken. Vi har prosessarbeid knytta til uteleik, som har fokus på barns leik i nærmiljøet, naturen og den vaksne si rolle i leiken.

2.3 Barnehagen skal fremje danning

2.3 Barnehagen skal fremje danning

Barnehagen skal legge grunnlag for modig, sjølvstendig, og ansvarlig deltaking i demokratisk fellesskap og bidra til at barna utviklar kritisk tenking. Barnehagen skal bidra til at barna forstår verdiar og normer som er viktig for fellesskapet og legge til rette for utvikling av etisk vurdering (Rammeplan, 2017, s. 21).
 

I Vigre natur- og friluftsbarnehage vil vi leggje til rette for meiningsfulle opplevingar, støtte barnas  identitetsutvikling og styrka sjølvbilete, læra barna å ta konsekvensar av eigne val, og gi dei «verktøy» til å handtera livets mange utfordringar.
Barna skal utvikle respekt for naturen ved å ta vare på og lære om mangfaldet i plante- og dyrelivet, samt det økologiske samspelet mellom menneske og naturen. Dette kan bidra til berekraftig utvikling.

2.4 Barnehagen skal fremje læring

2.4 Barnehagen skal fremje læring

Barna skal få bruke heile kroppen og alle sansane i sine læringsprosessar. Barna skal oppleve eit stimulerande miljø som legg til rette for meiningsfulle samhandlingar og som støttar opp om deira lyst til å leike, utforske, læra og meistre (Rammeplan, 2017, s. 22).

Barnehagen er ein viktig arena for å etablere gode friluftsvanar. Friluftsliv og uteleik har ein sentral plass i Vigre natur- og friluftsbarnehage. Barna skal læra om naturen og læra å setje pris på naturen sine moglegheiter gjennom alle årets månadar.

Vårt fokus skal vera å gi barna rike fellesopplevingar ute i naturen tilpassa både individet og gruppa. Barna skal læra uteområdet og nærområdet til barnehagen å kjenna gjennom utedagar og lengre turar.