Skulestart, skuleskyss og skulebytte

Elevar i grunnskulen kan ha rett til skyss på grunn av lang skuleveg, midlertidig sjukdom, varig funksjonsnedsetting, delt bustad, midlertidig bustad eller særleg vanskeleg eller trafikkfarleg skuleveg.

• Elevane har rett til gratis skuleskyss viss avstanden mellom heim og skule er meir enn 2 kilometer på 1. trinn eller meir enn 4 kilometer på 2.-10. trinn.
• Elevar som har funksjonshemming eller midlertidig skade/sjukdom kan få gratis skuleskyss. Dei som får innvilga slik skyss, har og rett til skyss til og frå SFO, men ikkje i skuleferiane.
• For å få gratis skuleskyss på grunn av særleg farleg eller vanskeleg skuleveg, må det vera ein «særleg risiko». Det betyr at trafikken må vera farlegare enn det ein kan forventa at eleven klarer å handtera.
• Elevar har rett til skyss til begge heimane viss eleven har delt bustad. Føresetnad er at dei øvrige vilkårene for skyss er oppfylt.
• Viss øvrige vilkår for skyss er oppfylt har og elevar som må bu utanfor heimen på midlertidig adresse ein periode rett på gratis skuleskyss

Hovudregelen er at elevar har rett til skyss til og frå der dei «bur» dersom vilkåra for skyss elles er oppfylt. Elevane blir ofte rekna som busett på sin folkeregistrerte adresse, men ikkje alltid. 

Rett til gratis skuleskyss gjeld til og frå nærskulen. Dersom eleven får innvilga rett til gå på annan skule enn nærskulen av kommunen kan eleven miste rett til gratis skuleskyss. I enkelte tilfelle er eit skulebytte til annan skule enn nærskulen nødvendig for å sikre retten til opplæring, og då utløyser det rett til skyss. 

Søk om skuleskyss i Visma

Dersom du skal søka om skyssretta som er Fylkeskommunen ved Kolumbus AS sitt ansvar må du ofte fylla ut skjema. Utfylte skjema leverer du til skulen for registrering. Informasjon om skyss frå Kolumbus AS og søknadsskjema finn du her: Hvordan søke skolekyss? 

• Kommunen har ansvaret for skyss på grunn av særleg farleg eller vanskeleg skuleveg for elevar i grunnskulen som ikkje allereie har fått innvilga skyssrett av Kolumbus AS. Kommunen er og ansvarleg for reisefølge og tilsyn for elevar som treng det, og skyss for elevar som har fått innvilga skulebytte til annan skule enn nærskulen, som og er nødvendig for å sikre retten til opplæring.
• Fylkeskommunen (ved Kolumbus AS) er ansvarleg for skuleskyssen der årsakene er lang skuleveg, midlertidig sjukdom, varig funksjonsnedsetting, skyss ved delt bustad eller midlertidig bustad.

Lurer du på noko meir?

Ta kontakt med administrasjonen på skulen.