Årsplan Gråtassen barnehage

2.1 Barnehagen skal ta vare på barna sitt behov for omsorg

«Omsorg er en forutsetning for barnas trygghet og trivsel, og for utvikling av empati og nestekjærlighet» (Rammeplanen 2017 s. 19).

For oss er det viktig at barna opplever at dei blir sett, forstått og respektert for den dei er. Barna skal få dekka sine behov for kos, trøst, stell, trygghet og nærvær gjennom heile dagen. For at personalet skal kunne gje god omsorg er det viktig at dei har kunnskap om trygghet, tilknytning, omsorg og barn si utvikling.

Overgangsobjekt, som kan vera tytt, kosefille, bamse og anna, hjelper barna å halda på det indre bilete av familien sin mens dei er i barnehagen. Dette er med på å skapa trygghet hjå barna, og difor er overgangsobjekta tilgjengelig i barnehagen så lenge barna treng det.

Personalet skal arbeida for eit miljø som ikkje berre gjer barna til mottakarar av omsorg, men at dei òg kan setja pris på barna sine eigne omsorgshandlingar. Det å gje barna mogleheit til å gje og ta imot omsorg er eit viktig grunnlag for utvikling av sosial kompetanse.

2.2 Barnehagen skal ta vare på barna sitt behov for leik

«Leken skal ha en sentral plass i barnehagen, og lekens egenverdi skal anerkjennes» (Rammeplanen 2017 s. 20).
I Gråtassen set vi leiken i fokus, og den skal alltid ha ein sentral plass. Leik er barnets arbeid og det aller viktigste barnet føretek seg i løpet av ein dag.

Leiken har ein eigenverdi og er ein viktig del av barnekulturen!

Gjennom leiken utviklar barnet seg på mange områder. Leiken er ein viktig del av sosialiseringsprosessen. Relasjoner og vennskap blir skapt gjennom leiken, og barnet lærer seg viktige sosiale koder. Sosiale koder er viktige for at barnet skal lykkast i å få gode relasjonar vidare i livet.

Leiken stimulerer språkutviklinga, og barnet får brukt fantasien og kreativiteten sin. Barnet er motorisk aktivt gjennom leiken, og i tillegg utvikles barnets intelligens ved at det planlegger, diskuterer og må forstå andre barn det leiker saman med.

Gjennom leiken gir barnet uttrykk for sitt inntrykk av omverda. Barnet leiker ut følelsar, skapar vennskap og lærer om verda og mellommenneskelige forhold.

Uteleik og uteaktivitetar er òg en del av barnekulturen og må tas vare på uavhengig av klima og geografiske forhold.
Når vi deltar i leik med barnet er det viktig å lytta til det barnet seier og tenker.

Det barnet gjer er betydningsfullt, og når barnet får sjå at vaksne set pris på det det gjer, er dette med på å bygge opp barnets sjølvfølelse.

2.3 Barnehagen skal fremme danning

«Barnehagen skal støtte barna i å forholde seg prøvende og nysgjerrig til omverdenen og bidra til å legge grunnlag for modig, selvstendig og ansvarlig deltakelse i demokratiske fellesskap» (Rammeplanen 2017 s. 21)

Danning er eit begrep som handlar om alt det som er med å forme oss som menneske. Det kan vera visjonar og satsningsområder, kristne og humanistiske grunnverdier, menneskeverd, sosial samhandling, omsorg og respekt.
Danning er en livslang prosess.

Den utvikles best gjennom samhandling med andre. Det er då vi utvikler evne til å reflektera over eigne handlingar og væremåte, og det er då ein får erfaringar og kunnskap til å handle omsorgsfullt og gjera etisk begrunna valg.

2.4 Barnehagen skal fremme læring

«I barnehagen skal barna oppleve et stimulernde miljø som støtter opp om deres lyst til å leke, utforske, lære og mestre» (Rammeplanen 2017 s. 22).

I Gråtassen har vi stort fokus på leiken - nettopp fordi vi veit at gjennom den skjer det læring. Ja, leiken er faktisk den beste arenaen for læring!

For barn er leiken indre motivert. Barna har det gøy i leiken, dei er åpne og mottakelige og dermed erfarer dei og lærer.
Barn erfarer gjennom eigne oppdagelser og problemløysingar. Vi vaksne kan gå inn i leiken og delta på barnas premisser, samtidig som vi har en støttande og veiledande funksjon.

Vi støtter opp om og «pirrer» barnas nysgjerrighet ved å stille spørsmål og undre oss saman med dei. Vi kan også tilføre meir avanserte element til leiken og dermed stimulere barnet til vidare utvikling.

Leken skal også vera utgangspunktet og grunnlaget for arbeidet med dei sju fagområda for barnehagane. Fagområda beskriv kva barna skal læra noko om i barnehagen.