Landbruk

Inngrep i kulturlandskapet krev ofte løyve frå eit lovverk, og du bør derfor kontakta kommunen før du går i gang med eit planlagt tiltak.

Søknadsskjema finner du her.(PDF, 73 kB)
 

Eksempel på tiltak du må søka om:

• Nydyrking
• Drifts- og skogsvegar
• Fysiske tiltak i vassdrag - eige skjema
• Tilplanting av dyrka jord og juletre
• Lukking av open grøft
• Etablering av ridebane
• Fjerning av åkerholmar
• Fjerning av steinrøyser og steingardar
• Fjerning av åkerkantar
• Fjerning av stein frå kulturbeite
• Mottak av masser/deponi

Tiltak som inneber vanleg stell av eigedomen er ikkje søknadspliktig. Eksempel på dette er grøfting eller fjerning av tre som veks innover jordet og er til hinder for drift av jordvegen.

Ved tiltak i vassdrag, må du alltid ta kontakt med landbrukskontoret først.

Søknaden om tiltak i vassdrag går via kommunen til Fylkeskommunen eller Statsforvalteren, som skal behandla søknaden. Det betyr ikkje nødvendigvis at det er vanskeleg å få tillatelser, målet er å jobba for at arbeidet blir utført på ein slik måte at forhold for livet i vassdraget ikkje blir forringa.

Det er mogleg å få tilskot til tiltak knytta til vassdrag.  Søknadsskjema for søknad om tiltak i vassdrag finn du her.

Her kan du sjå eksemplel på miljøvennleg erosjonssikring(PDF, 7 MB).

Fristar:

• Husdyrgjødsel kan spreiast i perioden 15. februar til 1. september.  
• Får du tilskudd til slangespreiing eller utkjøring med nedfelling av gjødsel, gjennom Regionalt Miljøprogram er fristen sett til 10. august.

Leige av spreieareal 

Ved leige av spreieareal skal det bli laga ein skriftleg avtale mellom leverandør og mottakar av husdyrgjødsel. Kvittering for mengde levert husdyrgjødsel etter gjødsling er eit krav. Eksempel på ein slik avtale med kvitteringsdel finn du her(PDF, 473 kB)

Reglar for gjødsling

Er det nokon som køyrer gjødsel for deg, bør dei få eit kart som tydeleg viser kor dei kan køyra gjødsel. Temakart har ein utskriftsfunksjon for kart.  Sjølv om eit areal er teikna inn som godkjent, kan det vera område innanfor for eksempel eit vassrikt område eller ei grøft som ikkje kan gjødslast. Slike område blei tidlegare trekt frå i utrekninga, men blei ikkje spesifisert i kartet. 

Reglar uansett godkjenning:

• Det skal ikkje gjødslast på 5 meter frå kvar side av bekk eller open grøft på beite
• Det skal vera 5 meter til kant av veggrøft langs offentleg og privat veg
• Det skal vera 5 meter frå kant av vassig og udrenert myr og liknande.
• Det skal vera 15 meter til vasskant på vatn ved normal vasstand.

Hugs:

• Gje god informasjon vidare dersom det er andre som køyrer på gjødsel. Det er du som bestiller som har ansvaret.
• Store nedbørsmengder er ein risikofaktor når det gjeld avrenning til vassdrag. Det er tapt næring i tillegg til at det ikkje er bra for vassdraget. Litt regn etter spreiing på litt opptørka er bra.
• Mengde utkjørt gjødsel må vera i forhold til godkjent spreiieareal– ikkje bruttoareal.

For å kunna kjøpa og bruka plantevernmiddel må du ha eit autorisasjonsbevis, såkalla sprøytesertifikat. For å få dette må du gjennomføra kurs og bestå eksamen. Sprøytesertifikatet er gyldig i ti år.

Kven kan få autorisasjon for bruk av plantevernmiddel?

Sjå informasjon på mattilsynet.no. Er du i tvil om du kan få beviset; ta kontakt med kommunen før kursstart.

Korleis kan eg få autorisasjon for bruk av plantevernmiddel?

• Norsk Landbruksrådgiving Rogaland arrangerer kurs som gjev bevis for første gong, og kurs i fornying. Plantevernkursa legg mest vekt på jordbruksproduksjon, men andre næringar/produksjonar har også høve til å delta.
• Mattilsynet har nettbaserte kurs for fornying av bevis, sjå mattilsynet.no. 

Autorisasjonsordning for gnagermiddel

Eigar eller leigar av landbrukseiendom kan få autorisasjon for å bruke enkelte gnagermiddel. For å få denne autorisasjonen, må du ha gått på tilleggskurs for gnagerbekjemping og ha gyldig plantevernmiddelautorisasjon. På nettsida til NLR Rogaland finn du påmelding til kurs i dette. 

Landbrukstenester Hå er eit avløysarlag for bøndene i Hå. Sjuke bønder kan ringa vakttelefonen på 900 58 324 for å få landbruksvikar. 

Landbruksavdelinga

Skogbruk

Frivillige tiltak i landbruket

Varslingstelefonar