Kongevegen

Opplev den fantastiske jærkysten langs Kongevegen. Her kan du finna skattar, møta dyr og vera nær havet uansett kor du går.

Langs Jærkysten kan du følga tråkk etter folk og fe gjennom mange tusen år. Spor av den forhistoriske holvegen og den historiske Kongevegen frå 1600-tallet følgjer delvis turstien som har fått namnet «Kongevegen». Flotte plassar å besøka langs Kongevegen er Hå gamle prestegard, Obrestad fyr, Grødalandstunet, kvernhusa og tørkehuset ved Bodle, Varhaug gamle kyrkjegard og stormhytta i Madland havn.

Parkering:

Hå gamle prestegard
Obrestad havn
Grødalandstunet
Varhaug gamle kyrkjegard.

Kart, turbeskrivelse og turtrim

Du finn kart og turbeskrivelse på kart.stikkut.no.

Registrer turen din i appen Stikk Ut! og bli med på å samla på turmål.

Stikk UT!

Utlån av turutsyr

Frilager.no

Skal du på tur men manglar utstyr? Frilager har alt til turen.

Bestill utstyr frå frilager.no

Frilager har samla varer i eit nettlager, frilager.no. Du bestiller utstyret du treng frå nettlageret og bestemmer sjølv kvar du vil hente varene. I Hå kommune er det to hentebuer du kan plukka opp utstyret i. Den eine står på parkeringsplassen nær Torlandsvegen 14 ved idrettsanlegget på Nærbø og den andre står ved idrettsanlegget på Varhaug ved innkøyringa frå Opstadvegen 583.

Hentestadane er ubetjente slik at utstyret kan hentast når det passar best for deg. Hugs at det er to dagars bestillingsfrist!

For at flest mogleg skal oppleve turglede, er prisane differensierte. Private og bedrifter må betala litt, medan skular, barnehagar og frivillige lag får låna utstyr gratis gjennom Hå kommune sin avtale med Frilager.