Barnehage

Alle barn har rett på barnehageplass. Skal du søka, sei opp eller endra barnehageplass, kan du gjera det her.

Slik søker du barnehageplass

Søknadsfrist for barnehageplass: 1. mars. Nytt barnehageår startar i august.
Du kan søka om plass i både private og kommunale barnehagar.
Du kan søka om plass i opp til tre barnehagar.

Søk barnehageplass

Oversikt over barnehagar i Hå

Du får e-post når me har motteke søknaden din.
Personar utan norsk personnummer må kontakta kommunen før dei kan søka.

Kven har rett på barnehageplass?

For barnehageåret 2025/2026 gjeld dette:

For å ha rett til plass, må du søka før 1. mars.
Barn fødd før 31. august 2024, har rett til plass i barnehage i Hå kommune frå august.
Barn fødd i september, oktober eller november 2024, har rett til plass i den månaden dei fyller eitt år.
Barn fødd 1. desember 2024 eller seinare har ikkje rett på barnehageplass i Hå.
Barnet har rett til plass i barnehage i kommunen der det bur.
Du kan søka om plass i Hå kommune uansett kvar du bur, men må bu i Hå ved oppstart.

Pris og betaling

Barnehageplass kostar opptil 2000 kroner i månaden.
I tillegg kjem matpenger (kostpenger).
Har du flere barn i barnehagen eller låg inntekt, kan du få lågare pris.
Du betalar for barnehageplass 11 månadar i året. Juli er betalingsfri.
Prisane gjeld for både kommunale og private barnehagar.

Når kan du få redusert barnehagepris?

Dersom du har fleire barn i barnehage

Dersom husstanden har låg inntekt

Hushaldningar med ei samla inntekt på under kr 366.667 kroner kan få redusert foreldrebetaling.
Barn i alderen 2 til 5 år, og barn som har utsett skulestart har rett på 20 timar gratis kjernetid dersom hushaldninga si samla inntekt er under 642.700 kroner.

Søk redusert foreldrebetaling

Du søker om redusert foreldrebetaling i Visma.

For å få behandla søknaden om redusert foreldrebetaling og gratis kjernetid frå nytt barnehageår må du søka innan 1.juni. Søknadar som kjem inn etter 1. august blir gjeldande frå månaden etter motteken søknad.

Hugs at du må senda søknad om redusert foreldrebetaling kvart år.

Svar på tilbod om barnehageplass

Når du får tilbod om plass, får du eit brev med beskjed om å svara på tilbodet.

Du svarar på tilbodet her i Foresattportalen.

Har du søkt før 1. mars, vil du få svar i løpet av mars.

Du har tre val når du får tilbod om barnehageplass:

Takk ja. Då vil du ikkje lenger stå på venteliste og får plassen du har blitt tilbydd.
Takk ja, men beholda ventelisteplassen. Det kan du gjera om du framleis vil stå på venteliste til ein høgare prioritert plass enn den du har fått.
Takk nei. Då blir du ståande på venteliste til plassen som er høgare prioritert enn den du har fått.

Har du fått tilbod om ditt førsteval, kan du ikkje fortsetja å stå på venteliste.

Endra eller sei opp barnehageplass

For å endra eller seia opp barnehageplassen, brukar du same portalen som då du søkte.

Endra eller sei opp barnehageplas

Du må seia opp plassen når du ikkje vil ha barnehageplass lenger.
Du må seia opp plassen viss du flyttar ut av kommunen og barnet går i ein kommunal barnehage.
(Du kan behalda plassen ut semesteret).
Du treng ikkje sei opp plassen når barnet begynner på skulen.

Oppseiingstid

I kommunale barnehagar er oppseiingstida ein månad frå første dagen i månaden etter at du har sagt opp. Til dømes, seier du opp 10. oktober, har du plass ut november.

Du må betala for plassen til oppseiingstida er slutt.
Seier du opp etter 31. mars, må du betala ut barnehageåret til 15. august.
Har du takka ja til ein ny plass, men ikkje vil bruka han, må du seia opp innan 1. juni. Elles må du betala for august.
Kommunen kan seia opp plassen ved manglande betaling.

Private barnehagar har eigne reglar for oppseiing.

Klaga på barnehage eller barnehageopptak

Klaga på barnehage

Viss du er misfornøgd med barnehagetilbodet har du moglegheit til å klaga.

Alle barnehagar skal ha god kvalitet på tilbodet.
Alle barnehagar skal følga barnehagelova med forskrifter.
Alle barn i barnehagene i Hå kommune har rett til eit trygt og godt barnehagemiljø.

Gjeld klaga kvaliteten på barnehagetilbodet bør du først ta det opp med leiinga i barnehagen.
Det beste er å løysa saka på lågast mogleg nivå.
Dersom saka ikkje kan løysast, kan du kontakta barnehageeigar.
- For kommunale barnehagar er det barnehagesjefen som er eigar.
- For private barnehagar finn du informasjon om kven som er eigar av barnehagen på nettsida deira.
Om du opplever at barnehagen ikkje følger opp bekymring når du har gitt beskjed til barnehagen sin styrar, kan du ta kontakt med barnehagemyndigheita i Hå kommune.

Kontakt:

Barnehagesjef og eigar av kommunale barnehagar: Rannveig Eriksen Rannveig.Eriksen@ha.kommune.no
Kontaktperson barnehagemyndigheit i Hå kommune: Kjersti E. Aanestad Kjerstieeg.aanestad@ha.kommune.no

Klage på barnehageopptak

Utleige av barnehagar og skular

Barnehagevedtekter