Kva kan du søka om?
Du kan søka om stønad inntil 10 000 kroner, men det kan gjerast unntak.
Kven kan søkja?
Målgruppa for denne tilskotsordninga er frivillige organisasjonar, sosiale entreprenørar og avdelingar/fagstabar i kommunen som vil utvikla og/eller prøva ut nye folkehelsetiltak.
Prosjekt og tiltak som kan få støtte
- Prosjekt som rettar innsatsen mot samfunnstilhøve som direkte eller indirekte påverkar helsa til befolkninga
- Samarbeidsprosjekt mellom ulike aktørar som kan gje langsiktige positive verknader på folkehelsa
- Fellesskapsbyggjande tiltak som når breidda av befolkninga, gir betre integrering, bidreg til fysisk aktivitet for grupper som tradisjonelt får for lite mosjon, har låg terskel og låge kostnader for brukarar, og som fremjer frivillig arbeid og auka deltaking
Generelle føresetnader og kriterium for tilskot
- Søknaden skal innehalda både kostnadsoverslag og finansieringsplan
- Tilskot kan utgjera maksimalt 50 prosent av prosjektet sin totale kostnad, inntil 10 000 kroner (unntak kan førekoma)
- Utbetaling av støtte vert gjeven i samsvar med tilsagnsbrev ved framlegging av rapport og rekneskap etter at prosjektet er gjennomført
- Deler av støtta kan i visse tilfelle avtalast utbetalt dersom prosjektet er kome godt i gang og utgifter har byrja å påløpa
Mål
Hå kommune er ein del av Rogaland fylkeskommune sitt partnerskap for folkehelse. Hovudføremålet med partnerskapet er å samordna folkehelsearbeidet i fylket og å bidra til å nå hovudmåla i den regionale og nasjonale folkehelsepolitikken om å fremja god helse og jamna ut sosiale helseforskjellar. Desse midlane skal bidra til å oppfylla målsetjingane i dei gjeldande planane for folkehelse i Hå. Det vil bli lagt vekt på prosjekt som bidreg til å jamna ut sosiale ulikskapar, og som aukar deltakinga i nærmiljøet for grupper som deltek lite. Dette kan vera grupper av eldre, folk med psykiske utfordringar, grupper av barn og unge, innvandrarar og flyktningar m.m.
Søknad og eventuelle spørsmål sendast til:
Ingrid Edland-Næsse
Telefon: 992 14 914
E-post: ingrid.edland-naesse@ha.kommune.no