Viktig rolle i tverrkommunalt samarbeid
Som fagleiar beredskap får ein ei sentral rolle i arbeidet med samfunnssikkerheit. Arbeidsoppgåvene omfattar mellom anna:
- utarbeiding og oppdatering av heilskaplege risiko- og sårbarheitsanalysar
- revisjon og vidareutvikling av overordna beredskapsplanverk
- planlegging og gjennomføring av beredskapsøvingar
- fagleg rådgjeving og koordinering på tvers av kommunane
Stillinga inneber òg dialog og samarbeid med aktørar som Statsforvaltaren, fylkeskommunen og andre relevante samarbeidsparter.
Prosjektstilling utan personalansvar
Stillinga er ei prosjektstilling med varigheit på tre år og har ikkje personalansvar. Det må påreknast reiseverksemd og tilstadevering i dei fire samarbeidskommunane. Nærare avklaring om arbeids- og oppmøtestad blir gjort i samband med tilsetjinga.
Søknadsfrist 19. april
Kommunane søkjer kandidatar med utdanning innan samfunnssikkerheit og beredskap på høgskule- eller universitetsnivå, og relevant erfaring frå fagområdet. Personleg eignaheit vil bli vektlagt.
Søknadsfrist er 19. april 2026.
Fullstendig stillingsutlysing og søknadsskjema finn du her.