Kommunedirektør Anne Berit Berge Ims, er svært fornøgd med rekrutteringa av ny kommunalsjef:
-Atle er ein leiar som er flink med folk, og har lang leiarerfaring. Han er nytenkande og evner å få heile laget med seg.
Straume kjem frå stillinga som leiar for psykisk helse og rus i Hå kommune, og har vore konstituert i kommunalsjefstillinga sidan 1. september. Han har bakgrunn som sjukepleiar med spesialisering innan psykisk helse og rusvern, i tillegg til ein master i ledelse.
-Med Atle som kommunalsjef får me ein ny leiar med brei erfaring frå fleire og nye fagfelt, og som er oppteken av å gi barn og unge ein helskapleg oppvekst, seier Berge Ims.
