-Gjennom mange tiår har han vore ein samlande og trygg monark for landet vårt. Våre varmaste tankar går til den kongelege familien og alle som sørger i dag. Samstundes kjenner me stor takksemd for alt Kongen har betydd for Norge og folket vårt, seier ordførar Andreas Bjorland.
Fred over minnet hans.
Kondolanseprotokoll
I samband med dødsfallet vil det ligga framme ein kondolanseprotokoll i Hå rådhus frå klokka 12 i dag, fredag 28. august. Me inviterer innbyggarane til å skriva namnet sitt i den. Hovudinngangen på rådhuset vil vera open heilt til klokka 20 i kveld.
Alle tre kyrkjene i Hå har óg kondolanseprotokoll og er open frå klokka 12-19 i dag (Ogna kyrkje frå kl 13), og kyrkjeklokkene vil ringa mellom klokka 12 og 13. Kyrkjene vil dessutan vera opne i helga. Rådhuset held stengt i helga, men har ope kl 8-16 måndag til fredag neste veke.
Open kyrkje på Nærbø, Varhaug og Ogna:
- Fredag: Kl 12-19 (Ogna 13-19)
- Laurdag og sundag: Kl 12-18
- Neste veke vil kyrkjene halda ope kl 16-19.
Arrangement og aktiviteter
Skulane i kommunen er opne som vanleg i dag. Alle folkevalde møter og andre arrangement kan gjennomførast som normalt i dagane framover. Det er dessutan ei klar oppmoding om at aktiviteter og arrangement for barn og unge også vert gjennomført som normalt.
Alle offisielle flaggstenger vil flagga på halv stong i dag, og kvar dag fram til dagen for gravferda.
Her finn du meir informasjon knytta til Hans Majestet Kong Harald V sin bortgang.
