Lensmannsløa

• Ein dag i løestova pluss kjøkken: 3035 kroner
• To dagar i løestova pluss kjøkken: 4580 kroner

NB! Dersom du ønsker å bruka lokalet dagen før for å dekka og førebu, så må du bestilla og betala for leigen. Det same gjeld dersom du ønsker å rydda lokalet dagen etter. 

Lokale lag og organisasjonar i Hå, leiger gratis til eige lags arbeid måndag til torsdag. Fredag til sundag må alle betala gjeldande takstar. Kommunale tenesteområde/avdelingar i Hå, kan leiga løa gratis kvardagar fram til kl 16. Etter klokka 16 og helgedagane, er det full leigepris.

Løestova er eit møte-/selskapslokale med plass til 70 personar. Lokalet har bord og stolar til 70 personar. Åtte bord står inne i lokalet og åtte bord står på lagerrommet. Det er plass til seks personar på kvart bord. Størrelsen på borda er 0,90 meter x 1,60 meter. Det finst ekstra stolar og tre barnestolar på lagerrommet.

Utstyr:

• Projektor
• Lydanlegg 
• Trådlaus mikrofon
• Piano
• Toalett
• Wifi
• Oppvaskmaskin (steamer)
• Komfyr
• Kjøleskap
• To kaffitraktarar som tek cirka to liter kvar
• Dekketøy til 100 personar. Av finglas er det raudvinsglas. Det er ikkje dukar. Det er heller ikkje fryseboks til utlån. Fryseskapet som står på kjøkkenet blir brukt av andre.
• Førstehjelpsskrin

Lydanlegg med meir må ikkje tuklast med.

Alle som skal ha arrangement i løa, må ta kontakt med Annette Jensen Gimre på telefon 48 08 78 34 for omsyning i forkant. Då vil det vera ein gjennomgang av bruk av projektor, lydanlegg, steamer, nøklar osv. Ho kan møtast ettermiddagstid på tysdagar.

Du kan også ta kontakt med servicetorget på 51 79 30 00 eller servicetorg@ha.kommune.no for å få nøkkelkode og sjå på lokalet sjølv.

Kontakt servicetorget rett før du skal leiga. Du vil då få oppgitt nøkkelkode. 

Send ein e-post til servicetorg@ha.kommune.no for å avbestilla eller endra reservasjonen. (Me må ha dette skriftleg) Du må betala halv leigesum viss du avbestiller seinare enn fire veker før leigeperioden.

Lensmannsløa har parkeringsplass til fire bilar på dagtid. Ettermiddagar og helger kan de bruka parkeringsplassar ved barnehagen.

Det går også an å parkera på rådhuset og langs jernbanelinja.