19. september

Syng deg glad!
Med slagerminne frå 50-, 60- og 70-talet, + eit par emigrantviser.

Husbandet innbyr til allsang.
 Jofrid Mosland med Gunnar Due Tungland (piano), Lars Ole Bergersen (fele) og Per Henry Runde (gitar)

17. oktober

Britt Synnøve - konsert

Denne dagen får vi vitjing av Britt-Synnøve Johansen. Ho er snart aktuell med den nye utgjevinga «Kveldslys» – heilt nye songar med eigne tekstar og melodiar signerte Ragnvald Wernøe. Dette er absolutt viser, men musikken strekkjer seg òg mot både franske chansons, jazz og americana – samtidig.

Britt-Synnøve har mange år bak seg som utøvande artist og tekstforfattar. Ho har tolka andre sin musikk og gjort eigne omsetjingar frå både fransk, spansk og sigøynarmusikk. For dei fleste er ho nok mest kjend for sine tolkningar av Édith Piaf sine songar. I 2022 gav ho ut «Mørk salong», eit album med eigne tekstar og melodiar av Ragnvald Wernøe, inspirert av franske chansons.

På konserten denne dagen vil Britt-Synnøve dele songar frå både «Kveldslys» og «Mørk salong», i fin blanding med franske chansons på norsk. Og kanskje lurer ho inn ein song på fransk òg?

Med seg har Britt-Synnøve den framifrå pianisten Idar Hauge.

31.oktober

Ava Everland - konsert

Ava Everland skaper ekte og stemningsfulle augeblikk gjennom musikk og formidling – ofte saman med publikum. Med eit variert repertoar av kjende låtar og skjulte skattar, blir kvar framsyning skreddarsydd for anledninga. Ei varm og nær oppleving, med låge skuldrer, kvilepuls og små historier undervegs.

14. november

Aftenbladets historie – fortalt av Sven Egil Omdal

Med utgangspunkt i boka «Full beskjed! – Aftenbladet i samfunnets teneste sidan 1893» tek Sven Egil Omdal oss med på ei reise gjennom Rogalands moderne historie – slik Stavanger Aftenblad har dokumentert, tolka og til tider påverka henne.

Omdal, kjend for si elegante penn og sitt skarpe blikk, har vore både journalist og redaktør i Aftenbladet. Han har òg leia Norsk Journalistlag og Pressens Faglege Utval, og har skrive ei rekkje bøker – fleire av dei tett knytte til Stavanger og Rogaland.

21. november

Syng deg glad!
Jofrid Mosland med To tynne og ein Runde inviterer til allsang.

28. november

“Slik har Trump endra verden” Tom Hetland - foredrag

Det er nå eitt år sidan Donald Trump vann valet og entra Det Kvite Hus med brask og bram. Kva har han gjort med verda på dette året? Me ser fram til å høyra hans analyser og betraktninger over situasjonen etter at MAGA fekk makta i USA. Tom Hetland er kommentator og tidligere sjefredaktør i Stavanger Aftenblad.  

5. desember

RITA & KÅRE – Svingar julen inn! 
Julestemninga er i anmarsj, og Rita & Kåre inviterer deg til ei musikalsk reise inn i den gode, varme julekjensla! 

Rita Fotland Bøe – trekkspel & vokal
Kåre Bøe – keyboard & vokal

Denne kvelden får du høyre kjende og kjære juleklassikarar – servert med humør, energi og ekte speleglede

12. desember

“Kvifor bry seg om primstaven?” Foredrag med Ellen Hagen.
Kva er ein primstav? Korleis organiserte folk liva sine med primstaven? Og ville livet blitt betre om me gjekk tilbake til dette kalendersystemet? Saman med Ellen Hagen ved Arkeologisk museum i Stavanger ser me nærmere på primstaven.