Arbeidsløftet

Arbeidsløftet er eit prosjekt der me ønsker å bidra til at du får betre oversikt over din eigen situasjon. Dette gjer me saman med deg, ved å tilby koordinert og individuelt tilpassa rettleiing, der dei fagpersonane som trengst blir kopla på. Målet vårt er å styrka sjansane dine for å koma sterkare tilbake i arbeid.

Kva kan me hjelpa deg med?

• Kartleggingssamtale med arbeidsrettleiar og kognitiv terapeut
• Støtte i kontakt med arbeidsgivar
• Delta i møte med arbeidsgivar
• Utforska moglegheiter for tilrettelegging på arbeidsplassen
• Kartlegga kva du kan gjera med tilrettelegging på jobb
• Meistringsorienterte samtalar, assistert sjølvhjelp og støtte til å handtera belastningar
• Sikra jobbutsikter over tid
• Hjelp til kontakt med andre tenester i kommunen (fastlege, fysioterapeut, friskliv, NAV, meistringseininga)
• Avklara NAV-relaterte spørsmål

Du kan ta kontakt med oss direkte, eller du kan be fastlegen din om å senda ei tilvising.