Informasjon til søkar av helse- og omsorgstenester

For å kunna behandle søknaden din, kan det hende vi treng opplysningar frå andre. Då må vi ha samtykke frå deg.

I søknadsskjemaet kan du seia ja til at vi får hente og dele dei opplysningane vi treng. Du kan òg seia nei til dette. 

Samtykket ditt gjeld så lenge saka blir behandla, eller så lenge du får hjelp frå oss. Du kan når som helst ombestemma deg og trekka tilbake samtykket. Då tar du berre kontakt med den som behandlar saka di eller gir deg tenesta.

Dersom du meiner at du ikkje har fått den hjelpa du har rett på frå helse- og omsorgstenesta, kan du klage.
Det beste er å snakke direkte med dei som har gitt deg tenesta, eller med den som har bestemt vedtaket. Du kan også sende klagen skriftleg.

Vedtak:
Dersom du får avslag på søknaden din, vil du få eit brev som forklarar kvifor. I brevet står det også korleis du kan klage, og fristen for å klage. Saksbehandlaren din kan hjelpe deg med å skrive klagen.
Klagen blir først sendt tilbake til dei som gjorde vedtaket. Dei ser på saka på nytt og vurderer om dei skal endre vedtaket. Blir det ikkje endra, sender dei klagen vidare til anten Statsforvaltaren i Rogaland eller kommunens klageorgan, som tar den endelege avgjerda. 

Teneste:
Er du misnøgd med ei teneste du får, bør du først kontakte leiaren for tenesta – enten munnleg eller skriftleg. Fortel kva du er misnøgd med, og kva du ønskjer skal bli annleis.
Dersom du ikkje får hjelp, kan du sende ei skriftleg klage til Statsforvaltaren i Rogaland. Dei vurderer saka.
Dersom dei meiner du har rett, kan dei opne ei tilsynssak. Blir det funne feil, må tenesta rette opp i dette.
 

Når ein person får hjelp frå fleire ulike tenester, kan det vere viktig at hjelpa blir samordna og heng godt saman. Dersom du treng langvarig og samansett hjelp, har du rett på ein koordinator og individuell plan.

Ein koordinator er ein person som skal følgje deg opp og sørgje for at tenestene du får, passar saman og fungerer som dei skal. Koordinatoren skal vere ein fast kontaktperson for deg.

Ein individuell plan skal hjelpe deg til å få vere med og påverke kva slags hjelp du får. Det skal også leggast til rette for at du deltek i arbeidet med planen.

Du kan få ein koordinator sjølv om du ikkje vil ha individuell plan. 

Ein familie har rett til ein barnekoordinator dersom alle desse punkta er oppfylt:

•    Familien ventar barn, eller har eit barn under 18 år
•    Barnet har ei alvorleg sjukdom, skade eller funksjonsnedsetjing
•    Barnet treng langvarig og samansett hjelp frå helse- og omsorgstenester og andre tenester

Kommunen skal vurdere om familien har rett på barnekoordinator, basert på situasjonen deira.

Det er familien som har denne retten – og med familie meiner vi dei som har ansvar for barnet eller ungdommen.

Trykk her for informasjon om kreftkoordinator

Demenskoordinator er ein person som skal hjelpe folk med demens og familiane deira.

Her kan du lesa meir om demensarbeid i Hå kommune