Tunet brukerstyrt senter

Me har mange kjekke aktivitetar på tunet.

Oversikt over aktivitetar

Kalender

• Følg med på kalenderen vår for oppdateringer om komande aktivitetar.
• Klikk på aktivitetane i planen for å få opp meir informasjon om dei.

Tunet brukerstyrt senter har ei turgruppe kvar måndag. Me reiser frå Tunet klokka 10:00. Om du vil vere med, kan du ringe Tunet på telefon (41532725) eller berre møte opp før me drar!

I programmet kan du sjå kvar turen går, og om den er lett, middels eller vanskeleg. Me tek alltid med kaffi, kakao og noko lett å bita i. Nokre gonger har me også mat med, men dette står i programmet.

Bli med oss på tur, så har me det kjekt saman!

Du kan eta middag på Tunet kvar dag i opningstidene. Du finn menyen her.

Serveringstider:

• Kvardagar: Middag blir servert klokka 12:00.
• Laurdagar: Middag blir servert klokka 13:30.

Pris:

• Ein middagsporsjon kostar 75 kroner.

Bestilling:

• Me treng å vite kor mange som kjem, slik at vi kan førebu nok mat.
• Det er fint om du gir beskjed dagen før. Nokre gonger lagar me ekstra porsjonar, så det kan vere nok sjølv om du bestiller same dag.

Ønsker du å følga med på nyheiter frå Tunet brukerstyrte senter? 

Les nyheiter her

Du kan også lasta ned appen Infoskjermen Go gratis på din telefon, for å få varsel og enkel tilgang.

Slik gjer du:

• Gå til Google Play eller App Store
• Last ned appen “Infoskjermen Go”
• Legg til kanal
• Skriv inn kode “T50” for å finne Tunet sin kanal

Brukarrådet ved Tunet er ein viktig kontakt mellom brukarane og kommunen, bedrifter og frivillige. Rådet jobbar for å passe på interessene til brukarane og lage eit godt miljø på senteret.

Gjennom året lagar brukarrådet mange aktivitetar, sosiale arrangement, turar og dugnadsarbeid. Desse aktivitetane gjer at alle kan vere med og ha det kjekt.

For å bli medlem av brukarrådet må du vere brukar av senteret og helst bu i Hå kommune. Medlemskapet kostar 50 kroner per år.

Det blir valt eit styre med 4–5 medlemmar som tek viktige avgjerder. Styret passar også på pengane i brukarkassa. Pengane blir brukt til aktivitetar og arrangement og til å hjelpe dei som treng det.

Brukarrådet ved Tunet er her for deg – saman lagar me eit inkluderande og aktivt fellesskap!