Leiken står sentralt. Barna skal oppleva humor, spenning og engasjement gjennom leik-aleine og saman med andre. Me legg vekt på trygghet, trivsel og tilhøyring for barn, foreldre og personal.
Barnehagen tilpassar seg etter søkarar, derfor varierer alderen på barna i gruppene, det same gjer samansettinga av gruppene. I barnehageåret 2023/2024 er det 55 barn fordelt på tre avdelingar.
Avdelingane
Oppstart i barnehagen
I Bjorhaug barnehage startar tilvenningsperioden i god tid før oppstarten i august. Allerede i april vert foreldre og barn invitert inn til avdelinga for å bli kjent.
Til oppstart i barnehagen kan det vera lurt å ha med kosebamse, kosefille eller det barnet bruker som kos. Ha gjerne med tutt dersom barnet bruker det.
Elles treng barnet å ha med:
- Bleier
- Skifteklede: sokkar, truse, genser, bukse, t-skjorte, shorts.
- Dress/regntøy. Det kan vera lurt med ein tynn vårdress som tåler litt vann i august
- Solhatt eller caps
- Ull- eller fleecedress
- Støvlar
- Tøflar/innesko
- Barnet får drikkeflaske til å ha i barnehagen
- Solkrem
Dette er klede som er praktiske i august. Etter kvart som årstidene skifter er det lurt å ta ein sjekk i skiftekorga og bytte ut sommarklede med meir varme klede/klede etter årstid og vær.
Hugs å merke klede og utstyr med namn!
Annan nyttig informasjon
B-gjengen er skulebarna i Bjorhaug barnehage. Me ynskjer at alle barna vert inkludert i læring, undring og utforsking på ein ny spennande måte og dette vil me oppnå med å bruke naturen aktivt. Derfor ynskjer me å ta barna i B-gjengen med ut i naturen og ta førskuleopplegget der.
Gledesspredarane er 4-åringane i Bjorhaug barnehage. Målet er at me skal skape ei trygg og inkluderande gruppe 4 åringar, samtidig som me ønskjer å gleda dei rundt oss. Me skal starte med eigen barnehage og etter kvart vende nesa ut mot nærmiljø og samfunn.
Forventningar til heimen
- Les månadsplanar og skriv frå barnehagen.
- Nyttar seg av foreldresamtalane.
- Møter alle barn med respekt og likeverd.
- Gir oss tilbakemeldingar på det som er bra/ikkje bra
- Tek direkte kontakt med barnehagen viss det er noko ein lurer på, eller noko barnehagen bør vite.
- Merkar klede, sko, tuttar, kos ol.
- Gir beskjed viss barnet er sjukt eller skal ha fri.
- Seier frå viss nokon andre skal hente barnet.
- Har barnet heime viss det ikkje er i form/sjukt.
- Passer på at det er nok skifteklede i korga og held orden.
- Lukkar porten når de kjem og går.
- Rygger inn til parkering og ikkje lar bilen gå på tomgang mens de leverer barnet.
Forventningar til barnehagen
- Gir omsorg og tryggleik til barnet, samt sjå det enkelte barn sitt behov.
- Møte barn og føresette på ein god måte om morgonen, og om ettermiddagen.
- Held god og tett kontakt med føresette, og gjer konstruktive tilbakemeldingar.
- Stimulerer barnet til god leik og læring i det daglege.
- Vera aktive og deltakande rollemodellar for barna.
- Er lojal mot barnehagen sitt verdigrunnlag.
- Gjer tilbakemeldingar på når det manglar klede og utstyr.
- Barna skal i løpet av barnehageåret ha fire veker ferie. Tre av desse skal vere samanhengande i løpet av sommaren.
- Barnehagane i Hå kommune har feriestengt to veker i juli - for sommaren 2025 er veke 29 og 30 stengt.
- Ferien må meldast inn på Visma Min Barnehage-appen før oppgitte fristar. Enkle feriedagar spredt utover året må meldast inn ei veke før.