3 Utviklingsområder frå Kvalitetsplan for barnehage 2021-2024
Gjennomgåande i planen er fokuset på kompetanseutvikling hjå personalet i barnehagen. Kompetansen skal ut i alle ledd og nå heile personalet. Kompetanse, haldningar og verdiar må vise igjen i dei tilsette sine handlingar i møte med barn.
Kvalitetsplanen er under revidering, og i mellomtida vert utviklingsområdet for barnehageåret 2025-26 «Leik».
«Barnehagen skal inspirere til og gi rom for ulike typer lek både ute og inne. Barnehagen skal bidra til at alle barn kan oppleve glede, humor, spenning og engasjement gjennom lek – alene og saman med andre.»
(Rammeplanen s. 20)
I Vibereiret barnehage skal me vaksne:
- tileigne oss kunnskap om ulike typer leik og korleis me kan støtta og utvikla barna sin leikekompetanse
- vera medvitne om eigen rolle og deltaking i barna sin leik
- legge til rette for at alle barn kan få leike med andre og oppleve venskap, mellom anna gjennom aktiv bruk av leikegrupper
- støtta barna i å ta andre sine perspektiv, og reflektere kring eigne og andre sine kjensler, opplevingar og meiningar