Vil skape gode bumiljø
Planarbeidet omfattar eit område mellom Hå bibliotek og Coop Extra i Nærbø sentrum. Her ønsker kommunen å leggja til rette for aldersvennlege bustader, med tilhøyrande parkering og gode uteområde.
– Korleis kan området bli ein positiv tilvekst til nabolaget? Og korleis kan me leggja til rette for at det blir ein god stad å bli gammal i? Dette er spørsmål kommunen ønsker innspel til, og som vil stå sentralt i møtet.
Inviterer til medverknad
Planen vart først handsama i april 2026, og arbeidet starta opp hausten 2025. Nå ønsker kommunen å involvera innbyggjarane i vidare utvikling av prosjektet.
På møtet vil det bli høve til å koma med uformelle innspel, særleg knytt til:
- uterom og fellesområde
- organisering av bofellesskap
- kvalitetar som gjer området attraktivt for ulike aldersgrupper
Bakgrunnen for satsinga er aukande interesse for bofellesskap, som både innbyggjarar og politikarar i Hå har løfta fram som ei viktig buform i framtida. I mai 2025 vedtok formannskapet å leggja til rette for utvikling av slike bustadprosjekt i både Varhaug og Nærbø sentrum.
Tid og stad
Dato: onsdag 10. juni
Tid: kl. 18.00–19.30
Stad: Hå bibliotek, Dalvegen 21, Nærbø
Slik melder du deg på
For å delta må du senda e-post til post@vil-bo.no innan tysdag 9. juni.
Kommunen oppmodar også grunneigarar til å informera leigetakarar og andre med rettar på eigedomane om møtet.
Kontaktpersonar
Hå kommune:
Plansjef Ole Vikse – ole.vikse@ha.kommune.no
Planleggjar Einar Serigstad – einar.serigstad@ha.kommune.no
Utbyggjar (VilBo):
Randi H. Augenstein – ra@hha.no
Arkitekt (Helen & Hard):
Mathias Wijnen – mw@hha.no
Kommunen håpar mange vil delta og bidra med innspel som kan forma eit framtidsretta og inkluderande bumiljø i Nærbø sentrum.