Legetenesta har behov for nye og meir funksjonelle lokale for å møte dagens og framtidas behov. Fleire pasientar med samansette helseutfordringar gjer at tenesta i større grad må organiserast rundt samarbeid mellom lege, sjukepleiepersonell og andre støttefunksjonar.
Kva må lokala legge til rette for?
Det er behov for lokale som legg til rette for:
- effektiv og fleksibel drift med tett samarbeid mellom lege, sjukepleiepersonell og andre støttefunksjonar
- gode løysingar for pasientflyt, universell utforming og trygg tilgang for ambulansepersonell
- tydeleg skilje mellom reine og ureine pasientstraumar, inkludert smitterom.
- ivaretaking av smittevern, pasienttryggleik og tausheitsplikt
- eit godt fysisk og psykososialt arbeidsmiljø for tilsette
Kva må lokala romme?
Lokala må mellom anna romme:
- seks legekontor med vask, samt eigne eller delte rom for gynekologiske undersøkingar
- ekstrakontor for sjukepleiarfunksjonar og medisinstudentar, med nærleik til ambulanseinngang
- laboratorium med separate tappestasjonar, tilhøyrande behandlingsrom og lager
- skiftestove eller behandlingsrom med nødvendige tekniske installasjonar
- ekspedisjon og pasientmottak med gode tryggleiks- og personvernløysingar
- stort venterom på minimum om lag 80 kvadratmeter, med ivaretaking av tausheitsplikt
- møterom med moglegheit for sambruk med andre kommunale tenester
Det er vidare ønskeleg å vurdere samlokalisering eller sambruk av fellesareal som møterom, garderobar, kantine og venterom saman med andre kommunale einingar.
Arealbehov og framdrift
Kommunen har eit foreløpig arealbehov på om lag 700 kvadratmeter bruttoareal (BTA). Arealet må ha ei funksjonell utforming som sikrar god pasientflyt, effektiv drift og tilfredsstillande arbeidsmiljø.
Målet er innflytting i løpet av 2027, og seinast innan 2028. Kommunen ser for seg ei leigeavtale på fem år, med moglegheit for forlenging i ytterlegare fem år.
Meld interesse
Hå kommune ønsker dialog med eigarar og utleigarar som har lokale som kan vere aktuelle for formålet.
Kontakt:
Svein Hareland, prosjektleiar
Telefon: 915 86 679
E-post: svein.hareland@ha.kommune.no
Frist for å melde interesse er 15. august 2026.