Gråtassen barnehage

For å sikre samarbeidet med heimen til barna i barnehagen, skal kvar barnehage ha eit foreldreråd og eit samarbeidsutval.

Barnehagen har og eit FAU, foreldrerådet sitt arbeidsutval.

Barnehageeigaren skal sørge for at det er viktige saker som vert lagt fram for foreldrerådet og samarbeidsutvalet.

Foreldresamarbeid
Ikke alle saker kan diskuterast på foreldremøte. Foreldra/føresette kan be om samtale med personalet der ein kan snakka om saker som angår barnet. Barnehagane kallar inn foreldra til samtale ein eller to gonger i året. 

I lov om barnehagar § 4. Foreldreråd og samarbeidsutval, er oppnemning og praktisering av samarbeidsutval heimla. Samarbeidsutval skal sikre samarbeidet mellom barnehagen og heimen.

Ved kvar barnehage og skule er det oppretta ei tverrfagleg ressursteam for å ta seg av samansette vanskar. 

Målsetjinga for gruppa er tidleg innsats og førebyggjande arbeid, og å samordna og gi råd om tiltak for barn og unge frå 0 - 16 år.

Vanskane kan vera helsemessige, språklege, faglege, psykologiske eller av sosial art. 

Eit  slik breitt samansett ressursgruppe med variert kompetanse er nyttig for å kunne gje gode
tenester, og for å kunne arbeide godt med førebygging av vanskar.

Ressursteamet har representantar frå:

Barnehagen, 0 - 5 år
Pedagogisk psykologisk teneste (PPT)
Helsestasjonen
Barneverntenesta
 

Andre faginstansar( fysioterapeut, familiesenteret, SLT- koordinator, lege, BUP o.a.) vert kalla inn viss det trengs. Alle som tek del i gruppa har teieplikt. 

Du som er føresette vert kontakta før ditt barn blir drøfta i gruppa. Du skal og verta orientert om gruppa sine vurderingar. Føresette kan møta i gruppa. Alder og modning avgjer om også barnet kan møta.

Dersom du ønskjer kontakt med ressursgruppa, kan du ta kontakt med barnehagen eller andre som er med i gruppa.