Serveringsløyve

Endringar i løyvet skjer ofte fleire gonger i løpet av løyveperioden. Dette kan vera fordi det skjer skifte av dagleg leiar, endringar i driftskonsept og endringar i eigarforhold. Slike endringar krev ofte ny godkjenning, eventuelt nytt løyve. Dersom serveringsstaden vert overdregen til andre, fell serveringsløyvet vekk. For å unngå det, må du søka om nytt løyve innan 30 dagar etter overtaking. 

Dersom du skal vera dagleg leiar av ein serveringsstad som serverer mat og alkoholfri drikke, må du ha bestått etablerarprøven. 

Etablerarprøven skal dokumentera at du har kunnskap om økonomistyring og lovgjeving for drift av serveringsstader.

• Du får 90 minutt på deg til å ta prøven, og kan ha med deg lovsamling.
• Oppmøtetid er seinast 08.55. Prøven startar klokka 09.00.
• Du må ha med deg gyldig legitimasjon for å ta prøven.
• Dersom du skal ta både kunnskapsprøve og etablerarprøve, kan du gjera dette på same dag.
• Kontakt leiar for skjenkekontrollen, Sverre Skårland, dersom du lurer på noko.

Datoar og påmelding for etablerarprøven

Pensum

Du finn læremateriell til etablerarprøven på nettbutikken vinn.no.

For å kunne ha ei mobil matvogn i Hå, må følgande vera på plass:

• Du må ha ei registrert bedrift med organisasjonsnummer.
• Du må ha serveringsløyve i Hå kommune. 
• Du må ha ein avtale med grunneigar om lov til å nytta plassen til matvogna.

Dette gjeld dei som driv næring. Det vil ikkje gjelda frivillige lag og organisasjonar som sel mat som eit eingongstilfelle.

Desse dokumenta skal følga søknaden:

• Firmaattest
• Godkjent etablerarprøve for dagleg leiar
• Teikning av serveringsstaden inne og ute