Skal du bygga, riva eller endra?

1. Sjekk planar og reglar

Før du byggjer, må du sjekka kommuneplan, kommunedelplan og Reguleringsplan

Du finn desse i kartportalen.

• Ta kontakt med byggesaksavdelinga om du er usikker på reglane eller ikkje finn planane.
• Dersom tiltaket ikkje er i tråd med gjeldande planar, må du søka om dispensasjon frå arealbestemmingane.

2. Lag ein situasjonsplan

• Bestill kartutsnitt
• Teikn inn det du vil bygga på kartutsnittet av eigedomen din.

3. Teikningar til søknaden

Legg ved teikningar med mål.

• Det beste er å levera teikningar av fasade, plan og snitt.
• Teikningane bør helst vera i målestokk 1:100.

4. Varsla naboane dine

Hugs å varsla naboane dine før du søker om å bygga.

1. Bestill naboliste for å finna ut kven du må varsla
2. Send varsel til naboane. Du finn skjema her.

5. Fyll ut og lever søknad

Når får du svar på søknaden?

• Behandlingstid på byggesaker utan dispensasjon er normalt 3 veker.
• Behandlingstid på byggesaker med dispensasjon er normalt 12 veker.

Når du sender inn ein byggesøknad, må du betala eit gebyr, som dekker kommunen sitt arbeid med å behandla søknaden din.

Kor mykje du må betala, avheng av:

• Kva du skal bygga
• Storleiken på bygga
• Om du treng dispensasjon fra reglane

Du finn oversikt over byggesaksgebyr her

Før du byggjer, riv eller endrar noko, må du sjekka kva planar og reglar som gjeld for eigedommen din. 

Desse finn du i kommuneplanen, kommunedelplanen og reguleringsplanen i kartportalen.

Om tiltaket er i strid med reglane, kan du søka om dispensasjon – det betyr at du får løyve til noko du elles ikkje har lov til.

Korleis søka om dispensasjon?

I søknaden skal du forklara tydeleg kva bestemmelse du søker dispensasjon frå og grunngi kvifor du treng dispensasjon. Du må også varsla naboar om dispensasjonen.
Du kan søka om dispensasjonen i forkant eller samtidig med tiltaket (det du skal bygga).

Informasjon om nabovarsling

Saksbehandling

• Saksbehandlingsfristen for dispensasjonssaker er på 12 veker frå me mottek søknaden. Du vil normalt få ei tilbakemelding innan to veker om det er noko som manglar ved søknaden.
• Dersom søknaden får følgjer for saksområda til andre instansar, vil dei få sjansen til å uttala seg om dei ikkje har gjort det i forkant. Andre instansar har svarfrist på fire veker.

Meld frå til kommunen når bygget er ferdig.

Tiltak som ikkje er søknadspliktige

Har du sett opp ein frittliggande bygning eller eit tilbygg som ikkje er søknadspliktig, må du likevel gi beskjed når bygget er ferdig. Me treng opplysingane for å oppdatera dei digitale karta våre.

• Lever skjema for melding om frittliggande bygning eller tilbygg
• Legg ved eit situasjonskart som viser plasseringa av bygget

Tiltak som er søknadspliktige

Har du byggesøkt tiltaket sjølv, må du søka om ferdigattest. Dersom du har fått hjelp av ein ansvarleg søkar tidlegare i byggesaka, er det den ansvarlege søkaren som skal søka om ferdigattest.

• Fyll ut skjema for søknad om ferdigattest
• Legg ved nødvendige vedlegg.

Midlertidig bruksløyve

Så lenge det berre gjenstår mindre arbeid, og det ikkje er farleg å ta i bruk bygningen, kan du søka om midlertidig bruksløyve. I søknaden må det gå fram kva arbeid som står igjen og ein frist for å ferdigstilla bygningen. Eit midlertidig bruksløyve gjer at du kan ta i bruk bygningen før du har motteke ferdigattest.

Skjema for søknad om midlertidig bruksløyve

Saksbehandlingstid

Saksbehandlingsfristen for søknad om ferdigattest eller midlertidig bruksløyve er tre veker, men søknadane blir behandla så raskt som mogleg.

I Hå kommune er solcellepanel på eksisterande bygg vanlegvis søknadspliktig, fordi det blir rekna som fasadeendring. Frittståande solcelleanlegg er alltid søknadspliktige.

Fritak frå søknadsplikt

Du kan søka om fritak ved å senda ein skriftleg førespurnad til kommunen. 

• Skriv kva eigedom det gjeld
• Forklar kva bygg du vil montera panel på
• Send inn søknad gjennom eDialog eller e-post til teknisk@ha.kommune.no

Du får svar på om du får fritak eller må senda byggesøknad.

Frådeling av gardstun betyr at du deler opp garden, slik at bustadhusa får eigne eigedommar, skilde frå jordbruksjorda. Du må søka om dette. Dersom søknaden blir godkjend, blir tomtene målt opp, registrert og tinglyst som eigne eigedommar.

Søk om:

• Frådeling etter plan- og bygningslova § 20-4
• Frådeling etter jordlova § 12
• Dispensasjon frå kommuneplanen § 15.2 punkt 3, etter plan- og bygningslova § 19-2

Slik søker du:

1. Bestill naboliste og varsla naboane

2. Fyll ut dette søknadsskjemaet. Du kan sjå eksempel på kva du skal fylla ut i skjemaet her (PDF, 139 kB).

3. Skriv eit notat der du opplyser om følgande:

• At det gjeld bruksrasjonalisering
• Kven som skal kjøpa landbruksjorda
• Kva som skjer med driftsbygningar
• Storleik på bustadtomtene

4. Legg ved:

• Oversikt over bygningar på gardstunet (bygningsskjema) (PDF, 71 kB)
• Situasjonsplan med innteikna bustadtomter
• Opplysningar om vegrett og stikkleidningar for vatn og avløp

5. Send søknaden:

• eDialog: Dette er den anbefalte måten for papirskjema.
• E-post: Send til teknisk@ha.kommune.no. Hugs å legga ved dokumenta som separate PDF-filer.
• Post: Send søknaden til Hå kommune.
• Møt opp: Du kan levera søknaden i servicetorget på rådhuset.

2. Tinglysing 

Etter godkjenning blir saka sendt vidare til kart- og oppmålingsavdelinga. Når eigedommane er oppretta og tinglyste, kan ny eigar av landbruksjorda søka om konsesjon. Konsesjonssøknaden blir behandla av landbrukskontoret.

Retningslinjer

Retningslinjene står på side 60 i landbruksplanen for 2021–2033 (PDF, 8 MB)

Treng du hjelp?

Ta kontakt med byggesaksavdelinga i Hå kommune dersom du har spørsmål eller treng rettleiing.

Rehabilitering og oppføring av skorstein

Rehabilitering og oppføring av skorstein er søknadspliktig.

Dette må vera med i søknaden

Før arbeidet startar, må du senda inn:

• Skjema 5174: Søknad om tillatelse til tiltak
• Skjema 5181: Erklæring om ansvarsrett
• Skjema 5185: Gjennomføringsplan
• Teikningar og kart

Etter arbeidet er ferdig

Når skorsteinen er ferdig rehabilitert eller oppført, må du senda inn:

• Skjema 5167: Søknad om ferdigattest
• Skjema 5185: Oppdatert gjennomføringsplan (versjon 2), med avkryssing for at arbeidet er avslutta

Korleis sender du inn?

Send alle skjema og dokument til: teknisk@ha.kommune.no

Meir informasjon

• Les meir om oppføring av skorstein på feiermesternes landsforening her