I opplæringslova står det at opplæringa skal skje i samarbeid og forståing med heimen. Og læringsplakaten seier at det er føresette som har hovudansvaret for barna og at dei difor må ha medansvar i skulen.

Skulen har ansvar for å leggja til rette for eit godt samarbeid mellom heim og skule. Difor har vi på Varhaug skule lagt opp til ein del faste rutinar for samarbeidet.

Foreldremøte 

Det vert invitert til to foreldremøte på trinnet kvart skuleår, eit på hausten og eit på våren. Ved behov kan ein invitera til fleire møter.

Foreldrekontaktar 

Det vert vald foreldrerepresentantar på kvart trinn. Dei vert bindeledd mellom føresette på trinnet og skulen. Foreldrekontaktane på kvart trinn vert invitert til minst eit samarbeidsmøte i året der ein tek opp aktuelle saker. Det er viktig at dei føresette nyttar sin foreldrekontakt til å ta opp saker dei føler er viktige.

Utviklingssamtale

Føresette skal ha to utviklingssamtalar i året. Ein kan også velja å ha tre utviklingssamtalar i året. Tidspunkt vert avtala med kontaktlærar.

I tillegg kjem føresette si deltaking i rådsorgan ved skulen, FAU og samarbeidsutvalet.