Vedtak UTN- 075/18:
1. Utval for tekniske saker og næring fremjar saka og legg ho ut til høyring og offentleg ettersyn etter plan- og bygningslova §12-3 og § 12-10.
2. Rådmannen skal før sluttbehandlinga i Utval for tekniske saker og næring, sørgje for at innhaldet i planen og framstillinga av han blir digitalisert og kvalitetssikra, og at eventuelle mindre suppleringar og justeringar blir gjorde.
3. Ein tek sikte på å oppheve den aktuelle delen gjeldande reguleringsplan 960 – Brusand, som blei vedteken 7.7.1981, inkludert alle seinare planendringar, delplanar og tilhøyrande føresegner, ved eigengodkjenning av Områdereguleringsplan 1169 i kommunestyret.
Bakgrunn for å utarbeida ny detaljreguleringsplan
Områdeplanen er starta som følgje av politiske prioriteringar av ny barnehage. Kommunen har utarbeidd planen, og sjølve barnehagen er lagt på kommunal tomt. I tillegg er området mellom fv. 133 og barnehage langs jernbane også teke med, etter førespurnad, og grunneigars ynskje om å utvikla området med bustadformål. Dette sikrer òg langsiktig utvikling av Brusand som tettstad, i form av utbyggingsareal, grøntstruktur, gangforbindelser og trafikkavvikling.
Om planforslaget
Planen skal leggja til rette for ny barnehage for opptil 80 barn, med tilhøyrande parkeringsplass, nytt bustadområde og endring av trafikale forhold for både køyretøy og mjuke trafikantar. Det tas sikte på å gjera justeringar med vegstrukturen i høve til kommuneplanen, der ein regulerer inn delar av ny hovudveg langs jernbanen. Planområdet er justert gjennom planarbeidet for å sikre mellombels anleggsområde i samband med ny kanal, og er no på 52 dekar.
Vanskelige grunnforhold i planområdet har utsett planarbeidet med over eitt år. For å byggja ut området nå, må området tilretteleggjast med ca. 2 meter fyllingsmasser for å stabilisera grunnen (oppfylling skal ikkje skje langs jernbanen), noko som kan medføra ein forlenga anleggsperiode på eit par år. Det er difor viktig å ha klar godkjent reguleringsplan i god tid før byggjestart for barnehage.
Plandokument
0 Saksprotokoll 23.08.2018 (PDF, 2 MB)
1 1169 Plankart (PDF, 438 kB)
2 1169 Planføresegner (PDF, 117 kB)
3 1169 Planbeskrivelse (PDF, 4 MB)
4 Illustrasjonsplan (PDF, 337 kB)
De finn alle vedlegga til 1. gongsbehandling her.
Har du innspel til planforslaget?
Du kan senda innspel til planarbeidet, merka med plannummer 1169 til:
Hå kommune
Tekniske saker og næring
Postboks 24
4368 Varhaug.
Eller på e-post til teknisk@ha.kommune.no
Fristen for å koma med innspel er måndag 15. oktober 2018.
Innspela vert vurdert og kommentert når planforslaget vert lagt fram for ny politisk handsaming, før planen evt. vert vedteken.
Sjå og skrivet saksgang ved regulering (PDF, 154 kB) for meir informasjon om saksprosessen.
Har du spørsmål om planforslaget?
Ved spørsmål eller kommentarar til planarbeidet, ta kontakt med saksbehandlar i Hå kommune, Rolf Aleksander Svensen Mellgren
E-post: rasm@ha.kommune.no Tlf: 51 79 31 35
