Bilete

Vinkelbygget

Publisert08.03.2016 20:49

Ofte stilte spørsmål

Kva er Vinkelbygget?

Vinkelbygget ligg på Klokkartunet på Varhaug og består av 16 leilegheiter. Leilegheitane er tilrettelagt for mennesker med psykiske lidingar og rusproblematikk som har behov for kort- eller langtidsopphald med tilbod om bemanning heile døgnet.

12 av leilegheitane er institusjonsplassar medan 4 av leiegheitane leiges ut som kommunale bustader og bemannes av Hybelhuset. Personalet ved Vinkelbygget bemanner i tillegg to kommunale bustader som ligg på Klokkartunet.

Personalet er ei tverrfagleg gruppe beståande av blant anna sjukepleiarar, vernepleiarar, helsefagarbeidarar, ergoterapeutar og soionomar. Avdelinga har tett samarbeid med tilsynslege og spesialisthelsetenesta, primært Jæren DPS og Mobilt Innsatsteam.

Personalet jobber etter Recovery-omgrepet og har tru på at den enkelte kan leva eit meiningsfullt og tilfredsstillande liv, sjølv med alvorleg psykisk liding. Me legg til rette for deltaking og mestring i kvardagen og ser på den enkelte som ekspert på seg sjølv.

Korleis er tenestetilbodet utforma?

Tenestetilbodet i Vinkelbygget vert forma i samarbeid med bebuar.

Personalet fokuserer på å bistå bebuarane med å finna ut og å formidla kva som er viktig for den enkelte. Me ønskjer å stimulera til myndiggjering, sosial tryggleik og optimisme.

Me arbeider for å sikra at den enkelte får mulighet til å leva og bu sjølvstendig og til å ha eit aktivt og meiningsfylt tilvære i fellesskap med andre.

Vårt arbeid inkluderer og observasjon og ivaretagelse av somatisk helse hjå bebuarane.

Pårørande treng at du som fagperson møter dei, gjer dei naudsynt informasjon, spør korleis dei har det og bidreg til at dei kjenner seg trygge. Gjennom gode møter bidreg du til at pårørande kan meistre situasjonen samtidig som dei ivaretek eiga helse og livskvalitet.

Kven kan få plass og kva kostar det å bu i Vinkelbygget?

Vinkelbygget er spesielt tilrettelagd for menneske med psykiske lidingar som har behov for kort- eller langtidsopphald i institusjon med bemanning heile døgnet.

Betaling for opphaldet følger forskrift om eigenandel for helse og omsorgstjenester.
Om du vil finna ut meir om betaling kan du lesa Forskrift om eigenandel for helse og omsorgstenesta.

Betalinga dekkjer opphald, mat, medisinar, lege, eigenandel ved reiser til sjukehus/behandlingsstad, naudsynt tannbehandling, tv i fellesstove, utgifter til vask av tøy og tjenestebil som kan nyttast til timeavtaler, aktiviteter og personlege ærend.

Korleis er leiligheitene?

Leilegheitene er møblerte, men du kan ta med eigne møbler og private gjenstander ved langtidsopphold. Leilegheitene består av entre/garderobe, kjøkken og stove i eitt, soverom, bad og balkong. Det er også kvitevarer; kjøleskåp, komfyr og kombinert vaske og tørketrommel.

Du har sjølv ansvar for personlege eigendeler, kontantar, innkjøp av hygieneartiklar og anna utstyr til personleg pleie (for eksempel barbermaskin).

Du kan fritt motta besøk i leilegheita

Korleis samarbeider Vinkelbygget med pårørande?

Vinkelbygget arbeider for å inkludera, involvera og støtta pårørande og meiner det har ei positiv betydning for behanlingstilbodet. Me tenkjer det er avgjerande å verta møtt med forståing, anerkjenning, tilstrekkjeleg informasjon og forutsigbarheit.

«Pårørende som kjenner pasienten og lever tett på ham eller henne er en viktig ressurs for å gjøre behandlingen så god og målrettet som mulig. Det er ikke bare til det beste for pasienten. Det er også til det beste for de pårørende».
Helse- og omsorgsminister Bent Høie, 2015

Pårørandesenter i Stavanger

Dette er ein landsdekkjande nettstad for alle typer pårørande uansett livssituasjon, alder eller kor nær ein står den ein er pårørande for. Her fins interessant fagstoff, gode tips og råd, informasjon om rettigheiter og hjelpetilbod over heile landet. Du kan og lesa om andre pårørande sine erfaringar i kategorien Min historie.

Sjølve Senteret ligg i Stavanger, dei tilbyr pårørandeveiledning, kurs og undervisning til både pårørande og fagfolk. Meir informasjon om tilbodet finner du på PårørendeStavanger.no.

Kor tid kan eg koma på besøk? Kor tid kan eg ringa til Vinkelbygget?

Det er ikkje fastsette besøkstider, men av omsyn til andre bebuarar og daglege rutinar, ynskjer me besøkjande særleg velkomne mellom 09:00 og 22:00.

Vinkelbygget er døgnbemanna og du kan nå oss på telefon 415 32 729

Eg vil søkje om plass i Vinkelbygget

Fastlegen eller behandlaren din kan hjelpe deg med å søkja om plass. Søknaden vert vurdert i eige fagteam. Opphaldet er frivillig.

Kontakt

Grete Tjåland

Leiar

Telefon: 415 32 729

Mobil: 922 56 851

Kartpunkt

Fann du det du leita etter?

Kommentar :

Lesehjelp

Hå kommune

Viktig melding

Bilete

Frå nyttår kan du kasta glas- og metallemballasje i den blå dunken

Vinkelbygget

Kontakt

Kartpunkt

Del dette

Kontakt

Snarvegar

Kva skjer?

Lesesirkel

HAUSTMARKNAD

Innbyggjarrådet

BOKKAFÉ