Menn i helse – bli helsefagarbeidar!

Vil du ha ein ny start og ein trygg jobb?
Hå kommune søkjer vaksne arbeidssøkande menn som vil ta fagbrev som helsefagarbeidar gjennom programmet Menn i helse. Dette er ei unik moglegheit til å kombinere utdanning og arbeid.

Reklamebilde for kampanjen Menn i helse. Teksten på bildet seier: ‘Menn søkes! Kull 2026. Besøk oss på mennihelse.no’. Ein person held eit gult skilt med teksten ‘Søk nå!’ og har på seg ei svart t-skjorte med blå skrift ‘Menn i helse’ - Klikk for stort bileteMenn i helse søkjer deltakarar til kull 2026. Meld deg på via mennihelse.no.

Kven kan søkje?

  • Du er mann og arbeidssøkande.
  • Motivasjon er viktigare enn alder – du kan vere i 20-åra eller godt over 50.
  • Under utdanninga vekslar du mellom ytingar frå NAV og lønn frå kommunen.

Informasjonsmøte

Ta sjansen og bli med på eit uforpliktande informasjonsmøte. Her får du vite meir om:

  • Utdanninga
  • Økonomi
  • Jobbmoglegheiter

Tidlegare deltakarar deler også sine erfaringar.

Tid og stad:

  • 6. februar kl. 12.00–14.00
  • Time rådhus, Arne Garborgs veg 30, 4349 Bryne

Påmelding: NAV kursoversikt

Kva skjer etter møtet?

  • Nokre veker etter møtet blir det gjennomført intervju.
  • Eigna og motiverte kandidatar får tilbod om ein praksisperiode på 10 veker som helserekrutt på sjukeheim eller liknande.
  • Deretter sommarjobb og vidare utdanning fram mot fagbrev som helsefagarbeidar.

Er du vår neste mann?

Grip moglegheita!
Kjenner du nokon som fortener sjansen? Tips dei om Menn i helse!

Spørsmål?

Kontakt fylkeskoordinator:
Kjersti Hoddevik
Telefon: 922 31 066
E-post: kjersti@mennihelse.no

Sist endra 06.01.2026 14.11