Hå legevakt har fått ei flott gåve frå Ogna Sanitetsforeining – ein treningsarm som kan brukast til å øve på å legge inn veneflonar. Dette er eit viktig bidrag til opplæring og vidare kompetansebygging for dei som jobbar med akuttmedisin.
Gåva vart overrekt av leiar i Ogna Sanitetsforeining, Siri Kleven. Sanitetsforeininga ønskjer med dette å støtte det viktige arbeidet som legevakta gjer for innbyggjarane i Hå, kvar dag, året rundt.
Legevakta set stor pris på gåva og takkar for engasjementet og støtta frå Ogna Sanitetsforeining. Treningsutstyret vil bli brukt aktivt i opplæring og trening, slik at pasientane får best mogleg behandling.
