Har du plukka opp ein pinne og svinga den rundt som eit sverd, gjerne sjølv om du er vaksen? Då er du ikkje åleine. For det er gildt å late som - å late som du er ein pirat, og at pinnen er ein sabel. Og det å late som og ha god fantasi, det er det viktigaste som finnes.
«Pinnelek» er ei biletbok som hyller fantasien, nikkar til historiefaget og fortel at litt herjing ute er heilt greit. Bjørn Veen vil lese frå bok si, fortelje om sverd og la deg halde ekte sverd. Etterpå går me ut og du kan lage ditt eige pinnesverd. Ta med eigen pinne. Tau, skarpe spikkeknivar, svipenner (og plaster) vil vera tilgjengeleg under arrangementet.
Bestill gratis billettar på TicketCo eller registrer deg når du kjem.