Kommunestyret vedtok 29.06.2010 i medhald av § 11-13 i plan- og bygningslova å leggja framlegg til planprogram for kommuneplanen 2011-2026 ut til offentleg ettersyn.
Hå kommune vil ved denne rulleringa gjennomføra ein avgrensa planrevisjon med fokus på arealdelen av kommuneplanen. Ein vil presisera at det ved denne revisjonen berre er justeringar av gjeldende plan som er aktuelle å vurdera. Framlegg til planprogram gjer greie for føremålet med planarbeidet, planprosessen med fristar og deltakarar, opplegg for medverknad, alternativ som vil bli vurdert, samt aktuelle utgreiingar.
Moglege merknader eller innspel til planarbeidet generelt, eller til planprogrammet, skal merkast "sak 10/1305" og sendast til Hå kommune, Postboks 24, 4368 Varhaug eller på e-post til post@ha.kommune.no . Frist for merknader i saka er onsdag 1. september 2010.
Kontaktpersonar i høve planarbeidet er leiar av planutvalet, ordførar Terje Mjåtveit, økonomi- og plansjef Harald Berglie, samt kommunalsjef Rolf Einar Ree.